«7-20-25» باعدارلاماسى بويىنشا ەڭ جوعارى سۇرانىستا ەكى بولمەلى پاتەرلەر ەكەنى انىقتالدى. بۇل تۋرالى «باسپانا» يپوتەكالىق ۇيىمى حابارلادى.

سونىمەن بىرگە، «7-20-25» باعدارلاماسى ارقىلى ساتىپ الىناتىن باسپانانىڭ ورتاشا قۇنى دا ەسەپتەلدى. قازىرگى تاڭدا ول كورسەتكىش 14 ميلليون 68 مىڭ تەڭگەنى قۇرايدى. ال، قارىز الۋشىنىڭ ورتاق سيپاتى  جاس شاماسى 24 پەن 40 جاس ارالىعىندا، وتباسىنىڭ اي سايىنعى تابىسى 200 مىڭ تەڭگە كولەمىندە.

ەكونوميستتەردىڭ سوزىنشە،  جىلدىق ۇستەمەسى 7% بولاتىن «7-20-25» يپوتەكاسىنىڭ اي سايىنعى تولەمى پاتەردى جالعا الىپ تۇرعاننان ارزان شىعادى.

الماتى قالاسى  «7-20-25» باعدارلاماسى بويىنشا ەڭ كوپ نەسيە بەرگەن قالالاردىڭ كوشىن باستاپ تۇر.

سونىمەن قاتار يپوتەكالىق نەسيە بەرەتىن سەرىكتەس بانكتەر دە بارشىلىق.  ولار، بانك تسەنتركرەديت، ەۆرازيا بانكى، اتف بانك، بانك RBK, حالىق بانكى، تسەسنابانك، تۇرعىن ءۇي قۇرىلىس جيناق بانكى.

“The Qazaq Times”