قازاق جاستارىن نە مازالايدى؟

ۇكىمەت داعدارىسپەن كۇرەسىپ جۇرگەندە «Z» زامانىنىڭ جاستارى ءوسىپ-جەتىلدى. قازىرگى تاڭدا قازاق جاستارىن نە مازالايدى؟  ولار ءوز بولاشاعىن قالاي ەلەستەتەدى؟ جاستار قاي باعىتتا كەتىپ بارادى؟

نارحوز ۋنيۆەرسيتەتىنىڭ ءبىر توپ جاس عالىمدارى 14 پەن 17 جاس ارالىعىنداعى «Z» زامانى ۇرپاقتارى اراسىندا الەۋمەتتىك ساۋالناما جۇرگىزگەن. قازاقستاننىڭ 4 قالاسىندا 1600-دەن استام جاسوسپىرىمنەن ساۋالناما العان جاس عالىمدار مىنانداي قورىتىندى شىعارعان:

1. قازىرگى تاڭدا قازاق جاستارى ءۇشىن ءبىرىنشى ورىندا وتباسى، دەنساۋلىق جانە مانساپ تۇر. بۇدان بولەك مەكتەپ جاسىنداعى بۋىن وزدەرىنىڭ اعا-اپايلارىنا قاراعاندا سپورتقا، دۇرىس تاماقتانۋعا، ديەتاعا كوبىرەك كوڭىل بولەدى.

2. ساۋالناماعا قاتىسقان جاستاردىڭ 41 پايىزى جەكە مەنشىك كومپانيالاردىڭ، ۋنيۆەرسيتەتتەردىڭ گرانتىن ۇتىپ الامىن دەپ ويلايدى. ال 13 پايىزى مەملەكەتتىك گرانتتاردىڭ ەسەبىنەن وقىعاندى قالايدى. بىراق باسىم كوپشىلىگى باستىسى ءبىلىم ەمەس تامىر-تانىس دەپ ەسەپتەيدى جانە وزدەرىنىڭ اتا-انالارىنان كوبىرەك قارجى تابامىن دەپ ويلايدى.

3. مەكتەپ جاسىنداعى جاستار ءۇشىن ەڭ قيىن كەزەڭ ۇبت ۋاقىتى. ولاردىڭ باسىم كوپشىلىگى ءوز بولاشاعىنا سەنبەيدى جانە ءدال قازىرگى الەۋمەتتىك-ەكونوميكالىق جاعدايدا وزدەرىنىڭ ويلاعان ويلارىن ىسكە اسىرۋ مۇمكىن ەمەس دەپ ەسەپتەيدى.

4. 14 پەن 17 جاس ارالىعىنداعى «Z» زامانى ۇرپاقتارىنىڭ ويىنشا، قوعامنىڭ دامۋىنا كەدەرگى بولىپ تۇرعان - جەمقورلىق.

5. جاستار اراسىندا ينديۆيدۋاليزم باسىم. مەكتەپ جاسىنداعى جاستاردىڭ باسىم كوپشىلىگى ءوزىنىڭ جەكە باسىن ويلايدى. قوعامدىق جۇمىستارمەن، جالپىعا ورتاق ىستەرمەن اينالىسقىسى كەلمەيدى.

“The Qazaq Times”