رەسەي فەدەراتسياسىنىڭ بۇرىنعى جانە سۋ جاڭا پرەزيدەنتى ۆلاديمير ءپۋتيندى قازاقستان، قىرعىزستان، سەربيا، بوليۆيا جانە ۆەنەسۋەلا باسشىلارى سايلاۋداعى جەڭىسىمەن قۇتتىقتاپ ۇلگەردى. ول ناۋرىز ايىنىڭ 18-ءى كۇنى وتكەن پرەزيدەنت سايلاۋىندا حالىقتىڭ 76,65 پايىز داۋىسىن الىپ، ءتورتىنشى رەت رەسەي فەدەراتسياسىنىڭ پرەزيدەنتى اتاندى. جەكسەنبى كۇنى وتكەن پرەزيدەنت سايلاۋىنا رەسەيلىك تاۋەلسىز ساراپشىلار مەن ساياساتكەرلەر قانداي باعا بەردى؟

رەسەيلىك تانىمال فيليسوف جانە الەۋمەتتانۋشى يگور چۋبايس: «پۋتينگە داۋىس بەرگەن ادامدار ەلدىڭ بولاشاعىن ويلامايتىن، وزگەرىستى قالامايتىن كونسەرۆاتورلار. بۇل سايلاۋدا ساياسي باسەكەلەستىك پەن ازاماتتىق بەلسەندىلىك جوق. ونىڭ بارلىعىنىڭ جولى كەسىلگەن. سايلاۋ قورىتىندىسى كوزبوياۋشىلىق جانە وتە ايانىشتى».

الەكساندر سولوۆەۆ «اشىق رەسەي» قوزعالىسىنىڭ توراعاسى: «وكىنىشكە وراي بۇل جولعى سايلاۋدا دا تاڭ قالاتىنداي ەشنارسە بولعان جوق. بۇل جولعى سايلاۋدىڭ 2012 جىلعى سايلاۋدان ەشقانداي ايىرماشىلىعى بولمادى. بۇكىل سايلاۋ جۇيەسى ۆلاديمير ءپۋتيننىڭ جەڭىسىنە جۇمىس ىستەدى. ول 40 پايىز داۋىس العان كۇننىڭ وزىندە وعان 70 پايىز دەپ جازىپ بەرەتىن ەدى. بۇل سايلاۋدا قانداي جاعداي بولسا دا پۋتين جەڭەتىن ەدى. سول سەبەپتى بۇل سايلاۋ ەمەس».

مەملەكەتتىك دۋماننىڭ ەكس-دەپۋتاتى ماكسيم شينگاركين: «گرۋدينيننىڭ ەكىنشى ورىن الۋى - حالىقتىڭ وليگارحتارعا قارسى كۇرەسى. بۇل حالىقتىڭ پۋتينگە قويعان تالابى. پۋتين بيلىكتى وليگارحتاردان تازارتۋى ءتيىس. كۇماندى جولمەن قىرۋار قارجى تاپقان ادامدار بيلىككە جاقىنداماۋى كەرەك».

“The Qazaq Times”