Resey prezidenti Vladimir Putin. Foto: Golos Ameriki.

Resey Federaciyasınıñ bwrınğı jäne su jaña prezidenti Vladimir Putindi Qazaqstan, Qırğızstan, Serbiya, Boliviya jäne Venesuela basşıları saylaudağı jeñisimen qwttıqtap ülgerdi. Ol naurız ayınıñ 18-i küni ötken prezident saylauında halıqtıñ 76,65 payız dauısın alıp, törtinşi ret Resey Federaciyasınıñ prezidenti atandı. Jeksenbi küni ötken prezident saylauına reseylik täuelsiz sarapşılar men sayasatkerler qanday bağa berdi?

Reseylik tanımal filisof jäne äleumettanuşı Igor' Çubays: «Putinge dauıs bergen adamdar eldiñ bolaşağın oylamaytın, özgeristi qalamaytın konservatorlar. Bwl saylauda sayasi bäsekelestik pen azamattıq belsendilik joq. Onıñ barlığınıñ jolı kesilgen. Saylau qorıtındısı közboyauşılıq jäne öte ayanıştı».

Aleksandr Solov'ev «Aşıq Resey» qozğalısınıñ törağası: «Ökinişke oray bwl jolğı saylauda da tañ qalatınday eşnärse bolğan joq. Bwl jolğı saylaudıñ 2012 jılğı saylaudan eşqanday ayırmaşılığı bolmadı. Bükil saylau jüyesi Vladimir Putinniñ jeñisine jwmıs istedi. Ol 40 payız dauıs alğan künniñ özinde oğan 70 payız dep jazıp beretin edi. Bwl saylauda qanday jağday bolsa da Putin jeñetin edi. Sol sebepti bwl saylau emes».

Memlekettik Dumannıñ eks-deputatı Maksim Şingarkin: «Grudininniñ ekinşi orın aluı - halıqtıñ oligarhtarğa qarsı küresi. Bwl halıqtıñ Putinge qoyğan talabı. Putin bilikti oligarhtardan tazartuı tiis. Kümändi jolmen qıruar qarjı tapqan adamdar bilikke jaqındamauı kerek».

“The Qazaq Times”