سولتۇستىك قازاقستان وبلىسى پەتروپاۆل قالاسىندا سەگىز سەرىنىڭ 200 جىلدىق مەرەيتويىنا ارنالعان «سال سەرىلەردىڭ سەركەسى» اتتى رەسپۋبليكالىق اقىندار ايتىسى مارەسىنە جەتتى. 

ايتىسقا، ءوڭىر-وڭىردەن ايتىستىڭ قازانىنا قايناعان، "سەن تۇر مەن اتايىن" دەگەن  ازاماتتار قاتىسىپ، ءسوز ونەرىنىڭ ءسانىن كىرگىزدى.

سونىمەن سولتۇستىكتەگى ايتىستىڭ قورىتىندىسى بويىنشا رينات زايىتوۆ وزگەلەردەن وزا شاۋىپ، باس جۇلدە -  اۆتوكولىكتى قانجىعاعا بايلادى. ودان كەيىن ءبىرىنشى ورىنعا ماقسات اقانوۆ يە بولىپ، 1 ملن تەڭگە سىياقى الدى. ەكىنشى ورىن العان جارقىن جۇپارحان (سقو) مەن جانسايا مۋسينا 500 مىڭ تەڭگەگە يە بولدى. بولاتبەك ورازباەۆ،  حازىرەت بەردىحان جانە اسەم ەرەجە ءۇشىنشى ورىن الىپ، ولارعا 300 مىڭ تەڭگەدەن بەرىلدى.

ايتىسكەر اقىن داۋلەتكەرەي كاپۇلى ايبەك قاليەۆقا ارنايى سىيلىق تابىستادى.

سونداي-اق، تۇرسىنبەك كəكىشەۆ اتىنداعى ارنايى جۇلدە ايبەك قاليەۆقا، ماعجان جۇماباەۆ اتىنداعى ارنايى جۇلدە مۇحاممەد قونقاەۆقا (سقو),
ەرىك اسقاروۆ اتىنداعى ارنايى جۇلدە قاليجان بىلدəشەۆكە تابىستالدى

“The Qazaq Times”