ەۋروپالىق قايتا قۇرۋ جانە دامۋ بانكى باتىس قازاقستانداعى ەڭ ۇلكەن ۇلەستىرۋشى كومپانيالاردىڭ ءبىرى "ماڭعىستاۋ ەلەكتر جەلىلەرىن تاراتۋ كومپانياسى" اق-نا (مەجتك) جەكەشەلەندىرۋ بويىنشا قولداۋ كورسەتەدى.
12 ملرد تەڭگە كولەمىندەگى كرەديت الدىمەن اتالعان كومپانياعا 2020 جىلعا دەيىن ينۆەستيتسيالىق باعدارلامانى قارجىلاندىرۋعا كومەكتەسەدى. سونداي-اق، قازاقستان ۇكىمەتىنىڭ «سامۇرىق ەنەرگو» ەنەرگەتيكالىق حولدينگىن جەكەشەلەندىرۋگە قاتىستى ستراتەگيالىق باعدارلاماسى اياسىندا "مەجتك" اق-عا "قازاقستاندىق كوممۋنالدىق جۇيەلەر" جشس-ى نەگىزگى اكتسيونەر بولادى.
بۇدان بولەك، ەقدب كرەديتىمەن قوسا اتالعان كومپانياعا Green Climate Fund-تان 5,3 ملن اقش دوللارى كولەمىندەگى نەسيە بەرىلەدى دەپ كۇتىلۋدە. بۇل قاراجات وسى ايماقتا جوسپارلانىپ وتىرعان جاڭارتىلاتىن ەنەرگەتيكا كوزدەرى جەلىلەرىن بىرىكتىرۋ ءۇشىن پايدالانىلماق.
ەقدب قارىزى مەجتك باسىم ينۆەستيتسيالارىن قارجىلاندىرۋعا كومەكتەسەدى. مەجتك جەلىلەرىنىڭ قۋاتتى، تيىمدىلىگى ايتارلىقتاي ارتادى، بۇل جاڭارتىلاتىن ەنەرگيا كوزدەرىن جەلىگە ۇزدىكسىز ينتەگراتسيالاۋعا مۇمكىندىك بەرەدى.
اتالعان كومپانيانى قارجىلاندىرۋ جوباسىنا ەقدق-نىڭ رەسەي، كاۆكاز جانە ورتالىق ازياداعى ەنەرگەتيكا جانە رەسۋرستار جونىندەگى ديرەكتورى ايدا سيتديكوۆا مەن "مەجتك" اق ديرەكتورلار كەڭەسىنىڭ توراعاسى ءنابي ايتجانوۆ قول قويدى.
بۇل جوبا بانكىتىڭ قازاقستانداعى جاڭارتىلاتىن ەنەرگيا كوزدەرىن قارجىلاندىرۋ بويىنشا قابىلداعان ءتورتىنشى نۇسقاسى. جوباعا قاتىستى شەشىم 2016 جىلى قولعا الىندى. ەقدب - قازاقستانداعى جاڭارتىلاتىن ەنەرگەتيكا كوزدەرىنىڭ ءىرى ينۆەستورلارىنىڭ ءبىرى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى