ەۋروپالىق قايتا قۇرۋ جانە دامۋ بانكى قازاقستان ەكونوميكاسىنا بولجام جاسادى

قازاقستاندا ەكونوميكا ءوسىمى 2017 جىلى 3,8%-عا، 2018 جىلى 3,5%-عا ءوسۋى مۇمكىن. مۇنداي بولجامدى ەۋروپالىق قايتا قۇرۋ جانە دامۋ بانكى جاساپ وتىر. 

بانكتىڭ اقپاراتىنا قاراعاندا، مۇنداي بولجامنىڭ جاسالۋى مۇناي ءوندىرىسىنىڭ ارتۋىمەن جانە باعانىڭ قالىپتى بولۋىمەن، ناقتى كىرىستىڭ قايتا قالپىنا كەلۋىمەن، سونداي-اق، قۇرىلىس سالاسىنىڭ، اۋىل شارۋاشىلىعىنىڭ جاندانۋىمەن بايلانىستى.

ايتا كەتەيىك، ەقدب وسى جىلدىڭ مامىر ايىندا قازاقستاننىڭ جالپى ىشكى ءونىمى 2,4% دەڭگەيىندە بولادى دەپ بولجاعان. دەگەنمەن بانك ينفلياتسيا 6-8% دەڭگەيىندە ساقتالادى دەپ وتىر.

"ەقدب ەكسپورتتىڭ وسۋىنە، ينۆەستيتسيالاردى قالپىنا كەلتىرۋگە جانە شيكىزات باعاسىنىڭ نىعايۋىنا بايلانىستى 2017 جىلعى ەكونوميكالىق ءوسىم بولجامىن قايتا قارادى. ال بۇل جاعدايدىڭ قايتا  قالپىنا كەلۋىنە ىقپال ەتەدى. ەقدب وسى جىلعى ەكونوميكانىڭ ءوسۋ قارقىنىن 3,3% دەڭگەيىندە بولجاپ وتىر، بۇل وسى جىلدىڭ مامىر ايىندا جاريالانعان بولجامنان 0,9%-عا، 2016 جىلعىدان 1,9%-عا جوعارى", - دەلىنگەن بانك حابارلاماسىندا.

ايتا كەتەيىك، بۇدان بۇرىن قر پرەمەر-ءمينيسترى باقىتجان ساعىنتاەۆ داعدارىستان كەيىن قازاقستان ەكونوميكاسىنىڭ جەكەلەگەن سەكتورلارىندا ءوسىم بايقالا باستاعانىن ايتقان ەدى. ونىڭ سوزىنشە، ەندى 2021 جىلعا قاراي مەملەكەتتىڭ ەكونوميكالىق ءوسىمى 5,5%-عا جەتۋى كەرەك.

“The Qazaq Times”