"MEJTK" AQ direktorlar keñesiniñ törağası Näbi Aytjanov qwjatqa qol qoyıp jatır.

Europalıq qayta qwru jäne damu banki  Batıs Qazaqstandağı eñ ülken ülestiruşi kompaniyalardıñ biri "Mañğıstau elektr jelilerin taratu kompaniyası" AQ-na  (MEJTK) jekeşelendiru boyınşa qoldau körsetedi.

12 mlrd teñge kölemindegi kredit aldımen atalğan kompaniyağa 2020 jılğa deyin investiciyalıq bağdarlamanı qarjılandıruğa kömektesedi. Sonday-aq, Qazaqstan Ükimetiniñ «Samwrıq Energo» energetikalıq holdingin jekeşelendiruge qatıstı strategiyalıq bağdarlaması ayasında "MEJTK" AQ-ğa "Qazaqstandıq kommunaldıq jüyeler" JŞS-ı negizgi akcioner boladı.

Bwdan bölek, EQDB kreditimen qosa atalğan kompaniyağa  Green Climate Fund-tan 5,3 mln AQŞ dolları kölemindegi nesie beriledi dep kütilude. Bwl qarajat osı aymaqta josparlanıp otırğan jañartılatın energetika közderi jelilerin biriktiru üşin paydalanılmaq.

EQDB qarızı MEJTK basım investiciyaların qarjılandıruğa kömektesedi. MEJTK jelileriniñ quattı, tiimdiligi  aytarlıqtay artadı, bwl jañartılatın energiya közderin jelige üzdiksiz integraciyalauğa mümkindik beredi.

Atalğan kompaniyanı qarjılandıru jobasına EQDQ-nıñ Resey, Kavkaz jäne Ortalıq Aziyadağı energetika jäne resurstar jönindegi direktorı Aida Sitdikova men  "MEJTK" AQ direktorlar keñesiniñ törağası Näbi Aytjanov qol qoydı.

Bwl joba bankitiñ Qazaqstandağı jañartılatın energiya közderin qarjılandıru boyınşa qabıldağan törtinşi nwsqası. Jobağa qatıstı şeşim 2016 jılı qolğa alındı. EQDB - Qazaqstandağı jañartılatın energetika közderiniñ iri investorlarınıñ biri.

 “The Qazaq Times”