تاۋان سابينا حادجىمۋكانكىزى، مەدەۋ اۋداندىق حقكو باسشىسى

ەندى ءۇشىنشى تۇلعالاردىڭ انىقتاما الۋى ياعني مەكەن-جاي انىقتاماسى، سوتتالعاندىعى نەمەسە سوتتالماعاندىعى جونىندەگى انىقتاما، جىلجىمايتىن مۇلىكتىڭ بولماۋى (بولۋى) تۋرالى، جىلجىمايتىن مۇلىككە تىركەلگەن قۇقىقتار (اۋىرتپالىقتاردى) جانە ونىڭ تەحنيكالىق سيپاتتامالارى تۋرالى انىقتامالاردى الۋ موبيلدى ازاماتتار ءۇشىن قول جەتىمدى بولماق.

حالىققا قىزمەت كورسەتۋ ورتالىقتارىنا  كۇندەلىكتى  انىقتامالار الۋ ماقساتىمەن كوپتەگەن ازاماتتار جۇگىنەدى. قاراپايىم ەلەكتروندىق انىقتامالار ءجيى جۇمىس ورىندارى مەن وقۋ ورىندارى، ياعني، ءبىلىم مەكەمەلەرى مەن ءار ءتۇرلى ۇيىمداردان سۇرالادى. ءوز كەزەگىندە بۇل ورتالىقتارداعى قىزمەت الۋشىلاردىڭ سانىن دا ارتتىرادى. وسى تۋىنداعان ماسەلەنى شەشۋدى كوزدەيتىن، ءۇشىنشى تۇلعالارعا انىقتامالار بەرۋ قىزمەتى «ازاماتتارعا ارنالعان ۇكىمەت» مەملەكەتتىك كورپوراتسياسى مەن ۇيىمدار اراسىنداعى قارىم-قاتىناستى جەڭىلدەتۋگە باعىتتالعان. ۇيىمداردىڭ  ەلەكتروندى-تسيفرلىق قولتاڭباسىمەن  ەلەكتروندىق پورتال ارقىلى ازاماتتارعا سۇرانىس سمس تۇرىندە جىبەرىلەدى، ەگەر قارسىلىعى بولماسا، ونى سمس ارقىلى قايتا راستايدى. جاۋابى كەلگەن سوڭ انىقتامانى الۋ مۇمكىن. بۇل قىزمەت ءتۇرى بويىنشا جوعاردا اتالعان 4 ءتۇرلى انىقتامانى الۋعا بولادى.  ءموبيلدى ازاماتتار بازاسىندا تىركەلۋ  قىزمەتتى وڭتايلاندىراتىندىعىن دا اتاپ ءوتۋ كەرەك.

“The Qazaq Times”