شىعىس قازاقستان وبلىسىندا قۇتقارۋشىلار سۋ تاسقىنى سالدارىمەن كۇرەسۋ جۇمىستارىن جالعاستىرىپ جاتىر. بۇل تۋرالى قر ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتىنەن حابارلاندى. 

ء"ۇش كۇن قاتارىنان قار ارالاس جاڭبىر جاۋدى. قاۋىپتى ايماقتان حالىقتى كوشىرۋ جۇمىستارى ۋاقىتىندا بولدى. وسكەمەن قالاسىندا تەمپەراتۋرا تومەن، ال ءۇرجار اۋدانىندا اۋا تەمپەراتۋراسىنىڭ جىلى بولۋى قاردىڭ بىردەن ەرىپ كەتۋىنە اسەر ەۋدە", - دەلىنگەن حابارلامادا.

تاراعان اقپاراتقا قاراعاندا 10 ناۋرىزدان بەرى جاڭبىر جاۋى سالدارىنان قار بىردەن ەرىگەن، اۋا تەمپەراتۋراسى + 10°C-دەن  -5°C ارالىعىندا وزگەردى. 1 ناۋرىزدان 11 ناۋرىزعا دەيىن 53,2 مم جاڭبىر جاۋىپ، بۇل ءبىر ايدا جاۋاتىن جاڭبىر مولشەرىنەن 2 ەسەگە كوپ بولىپ وتىر.

"ەلدى مەكەندەردى ارىق كانالدارى بىتەلىپ قالعاننان سۋ باسىپ جاتىر. كەيبىر جەرلەردە مۇلدە جوق. ەلدى مەكەندەردەن سۋدى بۇرۋ جەرگىلىكتى اتقارۋشى ورگانداردىڭ قۇزىرەتىنە جاتادى", - دەلىنگەن حابارلامادا.

قازىرگى كەزدە وپەراتيۆتى شتاب جۇمىس ىستەپ جاتقان كورىنەدى. قۇتقارۋ جۇمىستارىنا 1,032 ادام، 286 بىرلىك تەحنيكا، 56 قايىق، 58 سۋ سورعىش قۇرال جۇمىلدىرىلعان. ازىرگە وبلىستا 70 ءۇي مەن 110 باۋ-باقشانى سۋ باسقانى، وندا سۋ سورۋ جۇمىستارى جۇرگىزىلگەنى بەلگىلى.

سۋ باسقان ۇيلەردەن 400-گە جۋىق ادام شىعارىلىپ، ولار اياگوز قالاسىنداعى №6 مەكتەپ-ينتەرناتقا ورنالاسقان، قالعانى تۋىستارىنىڭ ۇيىندە.

“The Qazaq Times”