ەلىمىزدە كەلەسى جىلدان باستاپ مەملەكەتتىك قىزمەتكەرلەرگە جالاقى تولەۋدىڭ جاڭا جۇيەسى ەنگىزىلمەك. بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ توراعاسى اليك شپەكباەۆ مالىمدەدى.

 

اليك شپەكباەۆ. فوتو: kyzmet.gov.kz

"بۇگىندە ءبىز ەڭبەكاقى تولەۋدىڭ جاڭا جۇيەسىن اپروباتسيالاپ جاتىرمىز. فاكتورلىق-بالدىق شكالا نەگىزىندەگى بۇل جۇيە پيلوتتىق ورگاندارداعى لاۋازىمدىق جالاقىنى ەكى ەسەگە دەيىن كوبەيتۋگە مۇمكىندىك بەرەدى. كەلەسى جىلى ءبىزدىڭ باستامامىز، ياعني پيلوتتىق جوبامىز اياقتالادى. سايكەسىنشە، قازاقستاننىڭ بارلىق مەملەكەتتىك قىزمەتشىلەرىنىڭ جالاقىسى كوبەيەدى", - دەدى اليك شپەكباەۆ.

 

اگەنتتىك توراعاسى ەگەر مەملەكەتتىك قىزمەتكەرلەردىڭ ايلىق اقىسى كوبەيسە، وندا پارا الۋ دەرەكتەرى دە كۇرت قىسقارار ەدى دەيدى. ودان بولەك، كەلەسى جىلدان باستاپ مەملەكەتتىك قىزمەتكەرلەردىڭ باسپانالى بولۋىنا دا ءجىتى ءمان بەرىلمەك. ولارعا جەڭىلدەتىلگەن شارتتار ۇسىنىلادى.

“The Qazaq Times”