جەەنبەكوۆ الماتىدا ۇستالعان قىرعىز دەپۋتاتىنا بايلانىستى پىكىر ءبىلدىردى

قىرعىزستان پرەزيدەنتى سوورونباي جەەنبەكوۆ قازاقستان اۋماعىندا ۇستالعان جوعارى كەڭەس دەپۋتاتى دامىربەك اسىلبەكۇلىنا بايلانىستى پىكىر ءبىلدىردى.

سوورونباي جەەنبەكوۆ 6 ناۋرىز كۇنى باق وكىلدەرىمەن كەزدەسۋىندە: «بۇل بىزگە وتە اۋىر سوققى بولدى. قازاقستان تاراپى ءىستى ءادىل قارايدى دەپ ۇمىتتەنەمىن. ونىڭ ازاماتتىعىنا بايلانىستى سۇراقتارعا الداعى ۋاقىتتا جاۋاپ الاتىن بولامىز» - دەگەن.

ەسترەىڭىزگە سالايىق، اقپان ايىنىڭ 15-ءى مەن 16-سى كۇنى الماتى، جامبىل جانە وڭتۇستىك قازاقستان وبلىستارىندا جۇرگىزىلگەن ارنايى وپەراتسيا بارىسىندا قىرعىزستان جوعارى كەڭەسىنىڭ دەپۋتاتى دامىربەك اسىلبەكۇلى ۇستالعان. ونىڭ ۇستىنەن سوت شەشىمى بويىنشا قىلمىستىق ءىس قوزعالىپ، ەكى ايعا قاماۋعا الىنعان. تەكسەرۋ جۇمىستارى بارىسىندا اسىلبەكۇلىنىڭ قازاقستان ازاماتى ەكەندىگى انىقتالدى.

“The Qazaq Times”