فوتو: BNews.kz

ۇلتتىق بانك «7-20-25» تۇرعىن ءۇي يپوتەكالىق باعدارلاماسىن بەكىتتى. بۇل تۋرالى قارجى رەتتەۋشىنىڭ ءباسپاسوز قىزمەتى حابارلادى.

وسى كۇنى ۇلتتىق بانك جانىنان «باسپانا» ەنشىلەس ۇيىمى قۇرىلعان. اتالعان مەكەمە ەكىنشى دەڭگەيلى بانكتەرمەن كەلىسىمشارت جاساپ، قورعا 1 ترلن تەڭگە جينايدى. ىزىنشە، اتالعان قاراجاتقا جاڭادان سالىنعان تۇرعىن ۇيلەردەگى پاتەرلەر ساتىپ الىنباق.

«7-20-25» باعدارلاماسىنا قاتىسۋ ءۇشىن سالىمشىلار باسپانا قۇنىنىڭ 20 پايىزىن العاشقى جارنا رەتىندە جيناۋى كەرەك. كەيىن، «باسپانا» ۇيىمىمەن بىرلەسە جۇمىس ىستەيتىن ليتسەنزياسى بار بانكتەرگە ءوتىنىش بەرەدى. كوميسسيا ءوتىنىش تۇسىرگەن ادامنىڭ جەكە مالىمەتتەرىن تەكسەرىپ، بارلىق تالاپقا ساي كەلسە، جاڭا پاتەرلەردى 25 جىلعا 7 پايىزبەن جالعا بەرمەك. «7-20-25» باعدارلاماسىنىڭ ارتىقشىلىعى دا وسىندا.

پاتەرلەردى ەلىمىزدىڭ كەز كەلگەن وڭىرىنەن الۋعا بولادى. ەڭ قىمبات ۇيلەردىڭ باعاسى - 25 ملن تەڭگە. ولار استانا، الماتى، اقتاۋ جانە اتىراۋ قالالارىندا ورنالاسقان. ال، وزگە وڭىرلەردەگى باسپانا قۇنى 15 ملن تەڭگەدەن اسپايدى.

اتالعان باعدارلاماعا باسىندا باسپاناسى جوق، تولەم قابىلەتى بار ادامدار عانا قاتىستىرىلادى. وتىنىشتەردى قابىلداۋ بيىلعى جىلدىڭ ەكىنشى جارتىنان باستالادى. باعدارلاما شاتتارىمەن مىنا سىلتەمەگە كىرۋ ارقىلى تولىعىراق تانىسا الاسىزدار.

“The Qazaq Times”