فوتو: aikyn.kz

بۇگىن "الاش" قوزعالىسىنىڭ كوسەمى ءارى الاشوردا ۇكىمەتىنىڭ جەتەكشىسى بولعان ءاليحان بوكەيحاننىڭ تۋعانىنا 152 جىل تولدى.

ءاليحان بوكەيحان 1866 جىلدىڭ 5 ناۋرىزىندا دۇنيەگە كەلدى. بۇل پاتشالى رەسەيدىڭ وتىرشىلدىق ساياساتى جىل وتكەن سايىن كۇشەيىپ، قازاققا ءتان بيلىك قۇرىلىمدارى جويىلىپ، سالت-ءداستۇر مەن مادەنيەتتىڭ ءوز ەلىندە سالتانات قۇرۋىنا، قازاق جۇرتىنىڭ دەربەس حالىق رەتىندە ءومىر سۇرۋىنە كەدەرگى كوبەيگەن كەز ەدى.

ءاليحان بوكەيحان تەك قازاق قوعامىنداعى قايشىلىقتاردى عانا قوزعاپ قويماي، سول كەزدەگى ساياسي احۋالعا دا ارالاسا باستادى. مۇنىمەن ءاليحان بوكەيحاننىڭ رەسەي پاتشالىعىنا جاقپاعانى بەلگىلى. ول قازاق حالقىنىڭ قازاق بالالار ءبىلىم الاتىن بارلىق باستاۋىش مەكتەپتەردە انا ءتىلى مەن جازۋىن ەنگىزۋ، قازاق تىلىندە گازەت شىعارىپ، ءىس قاعازدارىن قازاق تىلىندە جۇرگىزۋ تالابىن ورىنداۋدى دا قولعا الدى.

الايدا سول كەزدەگى ساياسي بيلىكتىڭ قارماعىنا ىلىنگەن ول 1937 جىلعا دەيىن كەم دەگەندە ءۇش رەت تۇتقىنعا الىنىپ، 1937 جىلدىڭ كۇزىندە اتۋ جازاسىنا كەسىلدى.

“The Qazaq Times”