فوتو: Tengrinews

اتىراۋ مۇناي وڭدەۋ زاۋىتىندا اقپان ايىنىڭ 28-ءى كۇنى قىتاي جۇمىسشىلارى مەن قاۋىپسىزدىك قىزمەتكەرلەرى اراسىندا قاقتىعىس بولدى.

اتىراۋ مۇناي وڭدەۋ زاۋىتىنىڭ ءباسپاسوز قىزمەتىنىڭ مالىمەتىنشە، كيكىلجىڭ كۇزەتشىلەردىڭ ىشكى تارتىپكە سايكەس قىتاي جۇمىسشىلارىن مەرزىمىنەن بۇرىن زاۋىت اۋماعىنان شىعارماي قويۋىنان كەيىن باستالعان.

قىتاي جۇمىسشىلارى وزدەرىن سىرتقا شىعارماي قويعان كۇزەتشىلەردى ۆيدەوعا تۇسىرگەن. وسىدان كەيىن كۇزەتشىلەر مەن جۇمىسشىلار اراسىندا قاقتىعىس بولعان. وعان زاۋىت اۋماعىنداعى قىتايدىڭ وزگە دە مەردىگەر كومپانيالارىنىڭ جۇمىسشىلارى ارالاسقان. قاقتىعىس زاۋىتتىڭ ىشكى قاۋىپسىزدىك قىزمەتىنىڭ ارالاسۋىنان كەيىن بىراق توقتاعان. كيكىلجىڭنەن كەيىن زاۋىت قاۋىپسىزدىگىن قامتاماسىز ەتەتىن كومپانيا قىتاي جۇمىسشىلارىنان كەشىرىم سۇراپ، قوس تاراپ الداعى ۋاقىتتا قىتاي جۇمىسشىلارىنا جەكە شىعۋ بەكەتىن اشاتىن بولىپ كەلىسكەن.

“The Qazaq Times”