قازاقستان ارىپتەستىك پەن ىنتىماقتاستىقتى كەڭەيتۋ ءۇشىن ەۋرووداققا «جول كارتاسىن» ازىرلەۋدى ۇسىندى.

سىرتقى ىستەر ءمينيسترى قايرات ءابدىراحمانوۆ بريۋسسەل قالاسىندا وتكەن «قازاقستان-ەۋرووداق» كەڭەسىنىڭ وتىرىسىندا ەۋرووداق وكىلدەرىنە قازاقستان مەن ەۋرووداق اراسىنداعى ارىپتەستىك پەن ىنتىماقتاستىقتى كەڭەيتۋ ءۇشىن «جول كارتاسىن» ازىرلەۋدى ۇسىنعان. ءسىم-ءنىڭ ءباسپاسوز قىزمەتى تاراتقان مالىمەت بويىنشا، ەۋروپارلامەنت پەن ەۋرووداققا مۇشە ەلدەردىڭ باسىم كوپشىلىگى 2015 جىلى قازاقستانمەن 29 سالا بويىنشا ارىپتەستىك ورناتۋعا بايلانىستى  قول قويىلعان قۇجاتتى راتيفيكاتسيالاعان.

بۇدان بولەك قايرات ءابدىراحمانوۆ جيىن بارىسىندا ۆيزا ماسەلەسىندە تىلگە تيەك ەتكەن. ول ەۋرووداق وكىلدەرىنە ساۋدا-ەكونوميكالىق بايلانىستاردى نىعايتۋ ازاماتتاردىڭ ەركىن قوزعالىسىن قامتاماسىز ەتۋمەن تىعىز بايلانىستى ەكەندىگىن ايتىپ، مۇمكىندىگىنشە قىسقا مەرزىمدە ۆيزالىق رەجيمدى جەڭىلدەتۋ جونىندەگى كەلىسسوزدەردى باستاۋدى ۇسىنعان.

ەۋرووداق - قازاقستاننىڭ ءىرى ساۋدا جانە ينۆەستيتسيالىق ارىپتەسى. 2017 جىلى قازاقستان مەن ەو اراسىنداعى تاۋار اينالىمىنىڭ كولەمى 2016 جىلمەن سالىستىرعاندا 25% ارتىپ، شامامەن 30 ملرد دوللاردى قۇراعان.

“The Qazaq Times”