فوتو: fb.ru

سولتۇستىك قازاقستان وبلىسىندا اكىمشىلىك شىعىندار 129 ملن تەڭگەگە قىسقاردى بۇل تسيفردى وبلىستىق قارجى باسقارماسىنىڭ باسشىسى مىندەتىن اتقارۋشى ناتاليا دىشكانت سقو اكىمدىگىنىڭ وتىرىسىندا جاريا ەتتى، دەپ حابارلادى اكىمدىكتىڭ ءباسپاسوز قىزمەتى. 

وتىرىستا جەكەشەلەندىرۋ اياسىندا اتقارىلىپ جاتقان جۇمىستار باياندالدى. جەكەشەلەندىرۋ بويىنشا كەشەندى جوسپارعا 37 ۇيىم، ونىڭ ىشىندە 24 كوممۋنالدى كاسىپورىن جانە «سولتۇستىك» اكك-ءنىڭ 13 ۇيىمى كىرگەن.  جەكەشەلەندىرۋ اياسىندا اكىمشىلىك شىعىندار 129,6 ملن تەڭگەگە قىسقارعان. 2016-2018 جىلدارى 73 ملن تەڭگەنىڭ 15 ۇيىمى ساتىلدى.

وبلىس اكىمى قۇمار اقساقالوۆ ۇنەمدەلگەن قارجى الەۋمەتتىك سالاعا باعىتتالاتىنىن مالىمدەدى.

«بيۋدجەت ەسەبىنەن كۇن كورۋ وتە جەڭىل. ءبىز كاسىپورىنداردى جەكەشەلەندىرىپ، باسەكەلەستىك ورتاعا بەردىك. جىل ساناپ مەملەكەتتىك شىعىنداردىڭ كولەمى ازايىپ وتىرۋ كەرەك. قازىر مەملەكەت ءبىلىم، دەنساۋلىق ساقتاۋ جانە مادەنيەت سالاسىن قارجىلاندىرۋ قاجەت. بۇل باسىم باعىتتار. قالعانى باسەكەلەستىك ورتادا جۇمىس ىستەگەندەرى ابزال»،- دەدى قۇمار اقساقالوۆ.

“The Qazaq Times”