ءماجىلىس سپيكەرى نۇرلان نىعماتۋلين. فوتو: Sputnik كازاحستان.

قىرعىزستان جوعارى كەڭەسىنىڭ سپيكەرى داستانبەك جۇمابەكوۆ ءماجىلىس سپيكەرى نۇرلان نىعماتۋلينگە حات جولدادى – دەپ حابارلايدى اكيpress اقپارات اگەنتتىگى.

جوعارى كەڭەس ءباسپاسوز قىزمەتىنىڭ مالىمەتىنشە، داستانبەك جۇمابەكوۆ نۇرلان نىعماتۋلينگە 15 اقپان كۇنى قازاقستان اۋماعىندا ۇستالعان قىرعىزستان ازاماتتارىنا قاتىستى قىلمىستىق ءىستىڭ ءادىل، ەشقانداي كەدەرگىسىز، بارلىق حالىقارالىق تالاپتارعا ساي جۇرگىزىلۋىن قاداعالاۋدى جانە «قىرعىزستان» فراكتسياسىنىڭ مۇشەسى  دامىربەك اسىلبەكۇلىمەن كەزدەسۋ ۇيىمداستىرۋعا كومەكتەسۋدى سۇراپ حات جولداعان.

ەستەرىڭىزگە سالايىق، بۇعان دەيىن قازاقستان باس پروكۋراتۋراسى اقپان ايىنىڭ 15-ءى مەن 16-سى كۇندەرى ارالىعىندا الماتى، جامبىل جانە وڭتۇستىك قازاقستان وبلىستارىندا جۇرگىزىلگەن ارنايى وپەراتسيا بارىسىندا ۇستالعان 35 ادامنىڭ اراسىندا 3 بىردەي قىرعىزستان ازاماتى بار ەكەندىگىن مالىمدەگەن بولاتىن. كەيىننەن ولاردىڭ ءبىرى قىرعىزستان جوعارى كەڭەسىنىڭ دەپۋتاتى دامىربەك اسىلبەكۇلى ەكەندىگى انىقتالعان.

“The Qazaq Times”