Мәжіліс спикері Нұрлан Нығматулин. Фото: Sputnik Казахстан.

Қырғызстан Жоғары Кеңесінің спикері Дастанбек Жұмабеков Мәжіліс спикері Нұрлан Нығматулинге хат жолдады – деп хабарлайды АКИpress ақпарат агенттігі.

Жоғары Кеңес баспасөз қызметінің мәліметінше, Дастанбек Жұмабеков Нұрлан Нығматулинге 15 ақпан күні Қазақстан аумағында ұсталған Қырғызстан азаматтарына қатысты қылмыстық істің әділ, ешқандай кедергісіз, барлық халықаралық талаптарға сай жүргізілуін қадағалауды және «Қырғызстан» фракциясының мүшесі  Дәмірбек Асылбекұлымен кездесу ұйымдастыруға көмектесуді сұрап хат жолдаған.

Естеріңізге салайық, бұған дейін Қазақстан Бас прокуратурасы ақпан айының 15-і мен 16-сы күндері аралығында Алматы, Жамбыл және Оңтүстік Қазақстан облыстарында жүргізілген арнайы операция барысында ұсталған 35 адамның арасында 3 бірдей Қырғызстан азаматы бар екендігін мәлімдеген болатын. Кейіннен олардың бірі Қырғызстан Жоғары Кеңесінің депутаты Дәмірбек Асылбекұлы екендігі анықталған.

“The Qazaq Times”