فوتو: سقو ءباسپاسوز قىزمەتى

سولتۇستىك قازاقستان وبلىسىنىڭ اكىمى قۇمار اقساقالوۆ كاسىپكەرلىك جانە تۋريزم باسقارماسى كوللەگياسىنىڭ كەڭەيتىلگەن وتىرىسىندا وڭىردە بيزنەستىڭ دامۋىنا كەدەرگى كەلتىرىپ وتىرعان مەملەكەتتىك ورگانداردى اتاۋدى سۇرادى، دەپ حابارلايدى وبلىس اكىمدىگىنىڭ ءباسپاسوز قىزمەتى. 

«ءبىز مەملەكەتتىك ورگانداردىڭ جۇمىسىنا جىل قورىتىندىسى بويىنشا كاسىپكەرلەر باعا بەرسىن دەگەن بولاتىنبىز. بۇگىن بيزنەستىڭ دامۋىنا كىم كەدەرگى بولدى، كىم كومەكتەسپەدى جانە كەرىسىنشە كىم كومەك جاسادى، سونى بىلگىمىز كەلەدى»، - دەدى قۇمار اقساقالوۆ.

سقو كاسىپكەرلەر پالاتاسىنىڭ ديرەكتورى تۇرار ىسقاقوۆ قازىر وبلىستىق جەر قاتىناستارى باسقارماسى جانە قالالىق جەر قاتىناستارى بولىمىنە سۇراقتار بار ەكەنىن مالىمدەدى. وسى كۇنگە دەيىن پەتروپاۆلدا جەر كوميسسياسى قۇرىلماعان. قازىر كونسۋلتاتيۆتىك-كەڭەس بەرۋ ورگانىنىڭ جارتىسىن كاسىپكەرلەرمەن، قالعان جارتىسىن مەملەكەتتىك ورگاندارمەن تولتىرۋ ۇسىنىسى بار.

ءوڭىر باسشىسى اتالمىش ورگانداردا بيزنەسمەندەردىڭ ۇلەسى ارتىق بولۋ كەرەك دەدى.

«كەڭەس بەرۋ ورگاندارىندا بيزنەس جانە ۇكىمەتتىك ەمەس ۇيىمدارى وكىلدەرىنىڭ ۇلەسى الدەقايدا ارتىق بولۋ كەرەك. شەنەۋنىكتەرگە ازعانا كۆوتا قالدىرىڭىزدار. تەكسەرىس بۇل ورگانداردا 90 پايىزى شەنەۋنىكتەر ەكەنىن كورسەتتى. ولار بيزنەستىڭ كوزقاراسىن ەسەپكە العان جوق»، - دەپ اتاپ ءوتتى ءوڭىر باسشىسى.

“The Qazaq Times”