فوتو: Nur.kz

2018 جىلدىڭ 13 اقپانىندا الماتى قالاسى مامانداندىرىلعان اۋدانارالىق ەكونوميكالىق سوتى «Delta Bank» اق-نى ماجبۇرلەپ تاراتۋ تۋرالى شەشىم قابىلدادى. قازاقستاننىڭ دەپوزيتتەرگە كەپىلدىك بەرۋ قورى (قدكبق) تاراتقان مالىمەتكە قاراعاندا، قور «Delta Bank» اق سالىمشىلارىنا كەپىلدىك بەرىلگەن وتەمدى تولەيدى. بانكتىڭ كليەنتتەرى – جەكە تۇلعالار مەن جەكە كاسىپكەرلەر وتەمدى الۋعا قۇقىلى.

كەپىلدىك بەرىلگەن وتەمدى تولەۋ بويىنشا قدكبق مىندەتتەمەلەرىنىڭ شامامەن سوماسى – 130 ميلليون تەڭگەنى قۇرايدى، وتەمدى الۋعا قۇقىعى بار كليەنتتەر – جەكە تۇلعالار سانى – 2 239 ادام.

تولەم قدكبق-نىڭ ارنايى رەزەرۆى قاراجاتىنان جۇزەگە اسىرىلاتىن بولادى. كەپىلدىك بەرىلگەن وتەمدى تولەۋگە ارنالعان قدكبق قاراجاتىنىڭ جالپى سوماسى - 571,6 ميلليارد تەڭگە.

كەپىلدىك بەرىلگەن وتەمنىڭ ەڭ جوعارى سوماسى قۇرايدى:

  • تەڭگەدەگى دەپوزيتتەر بويىنشا – 10 ميلليون تەڭگەگە دەيىن،
  • شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگەگە دەيىن.

«Delta Bank» اق ماجبۇرلەپ تاراتۋ تۋرالى سوت شەشىمى قابىلدانعان كۇننەن باستاپ 15 (ون بەس) كۇنتىزبەلىك كۇن ىشىندە قدكبق دەپوزيتتەرگە مىندەتتى كەپىلدىك بەرۋ جۇيەسىنە قاتىسۋشى بانكتەر اراسىنان «Delta Bank» اق سالىمشىلارىنا كەپىلدىك بەرىلگەن وتەمدى تولەۋ ءۇشىن اگەنت بانكتى تاڭداۋ بويىنشا كونكۋرس وتكىزەدى. اگەنت بانككە قويىلاتىن جالپى تالاپتار اراسىندا: كارجىلىق تۇراقتىلىعى، قازاقستان رەسپۋبليكاسىنىڭ ۇلتتىق بانكى قولدانىپ جۇرگەن قولدانىستاعى شەكتەۋلى ىقپال ەتۋ شارالارى مەن سانكتسيالاردىڭ بولماۋى، سونداي-اق تولەمدەردى ۇيىمداستىرۋعا قاجەتتى فيليالدار مەن كەڭسەلەردىڭ بولۋى»، - دەلىنگەن حابارلامادا.

ايتا كەتەيىك، بۇدان بۇرىن قدكبق بانكروت بولعان قازينۆەستبانك سالىمشىلارىنا دا دەپوزيت بويىنشا كەپىلدىك بەرىلگەن وتەمدى تولەيتىندەرىن حابارلاعان ەدى.

“The Qazaq Times”