فوتو: m.vesti.kz

وڭتۇستىك كورەيادا وتەتىن قىسقى وليمپيادا ويىندارىندا ورتالىق ازيا نامىسىن قازاقستان سپورتشىلارى قورعايدى.

اقپان ايىنىڭ 9-ى كۇنى وڭتۇستىك كورەيانىڭ پيوڭچاڭ قالاسىندا ءححىىى قىسقى وليمپيادا ويىندارى باستالادى. وندا الەمنىڭ 90 ەلىنەن كەلگەن 2900 سپورتشى 102 مەدالدى ساراپقا سالادى. بۇل جولعى الەمدىك دودادا ورتالىق ازيا ەلدەرىنىڭ نامىسىن قازاقستان سپورتشىلارى عانا قورعايدى. بۇلاي دەيتىن سەبەبىمىز ايماقتاعى بەس مەملەكەتتەن بار جوعى 61 سپورتشى عانا «پيوڭچاڭ-2018» ويىندارىنا قاتىسادى. ونىڭ 57-ءسى قازاقستان سپورتشىلارى دا، قالعان تورتەۋى وزبەكستان جانە قىرعىزستان سپورتشىلارى.

وليمپيادا ويىندارىندا قازاقستاننىڭ باستى ۇمىتى مانەرلەپ سىرعانۋدان سوچي وليمپياداسىنىڭ قولا جۇلدەگەرى دەنيس تەن، الەم كۋبوگىندا 15 شاقىرىم قاشىقتىقتا چەمپيون اتانعان بياتلونشى الەكسەي پولتورانين، فريستايلشىلار دميتري رەيحارد پەن يۋليا گالىشەۆا جانە شورت-ترەكتەن الەم كۋبوگىنىڭ كۇمىس جۇلدەگەرى ابزال اجعاليەۆتا. ابزال اجعاليەۆ وليمپيادا ويىندارىنىڭ اشىلۋ سالتاناتىندا قازاقستان تۋىن الىپ شىعادى دەپ كۇتىلۋدە.

“The Qazaq Times”