اقىشەۆ: قاڭتار ايىندا احۋال جاقسارا ءتۇستى

قر پرەزيدەنتى نۇرسۇلتان نازارباەۆ  ۇلتتىق بانك توراعاسى دانيار اقىشەۆتى قابىلدادى، دەپ حابارلايدى اقوردانىڭ رەسمي سايتى.

كەزدەسۋدە قازاقستان پرەزيدەنتىنە ۇلتتىق بانكتىڭ 2017 جىلى اتقارعان جۇمىسىنىڭ قورىتىندىسى جونىندەگى ەسەبى ۇسىنىلدى.

دانيار اقىشەۆ پرەزيدەنتكە ۇلتتىق بانكتىڭ قازىرگى قىزمەتى، اقشا-نەسيە ساياساتىنىڭ باستى باعىتتارى، سونداي-اق ەلىمىزدىڭ قارجى نارىعىنداعى احۋال تۋرالى باياندادى.

ۇلتتىق بانك توراعاسىنىڭ ەسەبى بويىنشا، 2017 جىلى ينفلياتسيا دەڭگەيى 7,1 پايىزدى قۇراپ، جىل سوڭىندا التىن-ۆاليۋتا قورىنىڭ كولەمى 30,7 ميلليارد اقش دوللارىنا جەتكەن.

"قاڭتار ايىندا احۋال ودان دا جاقسارا ءتۇستى. بانك رەزەرۆتەرى تاعى 3 پايىزعا ءوسىپ، 31,7 ميلليارد اقش دوللارىنا جەتتى. ۇلتتىق قوردىڭ شەتەل ۆاليۋتاسىنداعى اكتيۆتەرى 58,3 ميلليارد اقش دوللارىن قۇرادى. 2018 جىلعى قاڭتاردا ينفلياتسيا دەڭگەيى 0,6 پايىز بولدى. بۇل ءبىزدىڭ بيىلعا بەلگىلەگەن – بەستەن جەتى پايىزعا دەيىنگى ارالىقتاعى جاڭا ولشەمىمىزگە ەنىپ وتى"ر، – دەدى اقىشەۆ.

“The Qazaq Times”