ۋكراينانىڭ پرەمەر-ءمينيسترى ۆياچەسلاۆ كيريلەنكو «ەۆروۆيدەنيە-2017» بايقاۋىن جوعارى يدەولوگيالىق، كوركەمدىك دەڭگەيدە وتكىزەتىندىكتەرىن ەسپرەسسو.تۆ ارناسىنا بەرگەن سۇحباتىندا ايتقان.
"ەۆروۆيدەنيە" ماسەلەسى – جاي عانا مۋزىكالىق ماسەلە ەمەس. ونىڭ ساياسي تۇستارى دا جوق ەمەس. ەۋروپالىقتار ۋكراينانى ۇمىتپاۋ كەرەك. شىعىستاعى قاقتىعىستارعا قاراماستان، ءبىزدىڭ ەلىمىز دامىپ كەلەدى جانە ەۋروپالىقتاردىڭ كومەگىنە ءزارۋ. ءبىز مۋزىكالىق بايقاۋدى اتالعان ۋاقىتتا، وتە جوعارى-كوركەمدىك دەڭگەيدە وتكىزەمىز", – دەيدى كيريلەنكو.
ۆيتسە-پرەمەردىڭ ايتۋىنشا، ۋكراينانىڭ «ەۆروۆيدەنيە» وتكىزۋدەن تاجىريبەسى بار. سەبەبى، شارانى 2005 جىلى ۇيىمداستىرعان جانە بيىلعى جىلى دا ءوز دەڭگەيىندە وتكىزەدى.
سونداي-اق، "ەۆروۆيدەنيە-2017" وتكىزىلۋىن تولىق قامتاماسىز ەتۋ ءۇشىن، مەملەكەتتىك بيۋدجەتتەن بولىنەتىن قارجىنى 25 قاڭتار كۇنگى ۇكىمەت وتىرىسىندا اقىلداسىپ، بارلىعىنىڭ شەشىمىن تاپقان.
ۋكراينانىڭ ءوزى «ەۆروۆيدەنيە-2017» بايقاۋىنا 2016 جىلعى ستوكگولمداعى بايقاۋدان «1944» انىمەن دجامالا جەڭىسكە جەتكەننەن كەيىن قاتىسۋعا جولداما العان. ۇيىمداستىرۋ كوميتەتى بايقاۋدى كيەۆ قالاسىندا وتكىزەتىن بولدى. جارتىلاي فينالدى 9-11 مامىر ارالىعىندا جانە فينال 13 مامىردا بولادى دەپ جوسپارلانىپ وتىر.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
VI Digital Almaty: مينيسترلىك فورۋمدى قازاقشا وتكىزۋگە ۋادە بەردى
ينتەللەكتۋالدى پوەتيكالىق دراما. «9 گرامم»
موڭعوليا استاناسىندا جاپپاي نارازىلىق شەرۋلەرى ءوتتى