باس پروكۋرور قايرات قوجامجاروۆ جولاۋشىلار تاسىمالى سالاسىنا تەكسەرۋ جۇمىستارىن جۇرگىزۋدى تاپسىردى.

باس پروكۋراتۋرا ءباسپاسوز قىزمەتى تاراتقان مالىمەت بويىنشا، قازىرگى تاڭا قازاقستان اۋماعىندا جولاۋشىلار تاسىمالى تەحنيكالىق اقاۋى بار جانە زاڭسىز جولمەن قايتا جابدىقتالعان اۆتوكولىكتەر ارقىلى جۇزەگە اسىرىلۋدا. اتالمىش جاعدايلار جولاۋشىلار دەنساۋلىعىنا ورنى تولماس زارداپ الىپ كەلىپ، ادام ولىمىنە سەبەپشى بولىپ وتىر. وسىعان بايلانىستى باس پروكۋرور قايرات قوجامجاروۆ كولىك پروكۋراتۋراسى مەن وبلىس پروكۋرورلارىنا اتالعان سالادا تەكسەرۋلەر ۇيىمداستىرۋدى تاپسىرعان.

ەستەرىڭىزگە سالايىق، 18 قاڭتار كۇنى اقتوبە وبلىسىندا 57 ادام مىنگەن اۆتوبۋس ورتكە ورانعان بولاتىن. سالدارىنان 52 ادام كوز جۇمىپ، بەس ادام ءتۇرلى دەنە جاراقاتتارىن العان. تەكسەرۋ جۇمىستارى بارىسىندا اۆتوبۋستىڭ ەكى جىل بويى تەحنيكالىق باقىلاۋدان وتپەگەندىگى جانە ەشقانداي قاۋىپسىزدىك ەرەجەلەرىنە ساي كەلمەيتىندىگى انىقتالعان.

“The Qazaq Times”