فوتو: Kursiv.kz

قازاقستان پوليەتيلەندى پاكەتتەرگە تىيىم سالۋدى جوسپارلاپ وتىرعان جوق. كەرىسىنشە وسى ماسەلەنى شەشۋدىڭ بالاما جولى قاراستىرىلۋدا. قر ەنەرگەتيكا ءمينيسترى قانات بوزىمباەۆ ۇكىمەت بريفينگىندە وسىلاي مالىمدەدى.

"تىيىم سالۋ ءتاسىلىن قولدانايىن دەپ وتىرعان جوقپىز. بىرىنشىدەن، مۇنىڭ بالاماسى قانداي ەكەنىن ناقتىلاۋىمىز كەرەك. بۇل ءۇشىن حالىقارالىق تاجىريبەلەردى قاراستىرىپ جاتىرمىز. ەگەر قۇنى بويىنشا سايكەس كەلەتىن قاعاز سىندى نەمەسە باسقا دا بالامالارى بولسا، وندا پوليەتيلەندى پاكەتتى الماستىرامىز", - دەدى بوزىمباەۆ.

سونداي-اق، ءمينيستردىڭ سوزىنشە، الداعى ۋاقىتتا قازاقستاندا اتالعان پاكەتتەردى تەگىن تاراتۋعا تىيىم سالىنۋى مۇمكىن.

"بۇل پاكەتتەردى تەگىن تاراتپاۋدىڭ جولدارى قاراستىرىلىپ جاتىر. مەن بىرنەشە وڭىردە ءومىر ءسۇردىم، ەلدىڭ وڭتۇستىگىندە تەگىن تاراتسا، سولتۇستىكتە ساتىلادى. ال استانادان شىعا بەرگەندە بۇلاردىڭ قانشالىقتى كوپ ەكەنىن كورگەن بولارسىزدار", - دەدى مينيستر.

بۇدان بولەك، مينيستر بۇل ماسەلە قوعامدىق ۇيىمدارمەن بىرگە تالقىلانىپ، سودان كەيىن عانا قاجەتتى شەشىم قابىلداناتىنىن اتاپ ءوتتى.

“The Qazaq Times”