باتىس قازاقستان وبلىسىندا  «قازاقستاننىڭ تۇرعىن ءۇي قۇرىلىس جيناق بانكىنىڭ» 96 سالىمشىسى پاتەر كىلتىنە يە بولدى. «نۇرلى جەر» باعدارلاماسىنىڭ اياسىندا بۇل ازاماتتارعا ارناپ «كوكتەم» ىقشام اۋدانىندا 9 قاباتتى ءۇي سالىنىپ، پايدالانۋعا بەرىلگەن. بۇل تۋرالى تۇقجب ءباسپاسوز قىزمەتى حابارلادى. 

جاڭا پاتەرلەردى بانك سالىمشىلارى جەرگىلىكتى اتقارۋشى ورگاندار جەلىسى بويىنشا ساتىپ الدى. تازا ارلەۋدەگى 1 شارشى مەتردىڭ باعاسى 129 000 تەڭگەنى قۇرادى.

باتىس قازاقستان وبلىسىنىڭ اكىمى التاي كولگىنوۆ پەن «قازاقستاننىڭ تۇرعىن
ءۇي قۇرىلىس جيناق بانكى» اق وبلىستىق فيليالىنىڭ ديرەكتورى ايگۇل ناۋرىزاليەۆا باسپانالى بولعان ازاماتتاردى قۇتتىقتادى.

بانك مالىمەتى بويىنشا «نۇرلى جەر» باعدارلاماسىنىڭ اياسىندا ءۇي الۋ ءۇشىن بانك سالىمشىلارى شوتقا پاتەر قۇنىنىڭ 30%-نا تەڭ ەڭ تومەنگى العاشقى جارنانى جيناۋ كەرەكۇ وسىدان سوڭ بانك جىلدىق مولشەرلەمەسى 5% بولاتىن زاەم بەرەدى. بۇل باعدارلاما بويىنشا باسپانانى سوڭعى بەس جىل ىشىندە يەلىگىندە جىلجىمايتىن مۇلىك بولماعان جانە ەڭ جوعارعى بالل سانىنا قول جەتكىزگەن ازاماتتار الادى.

“The Qazaq Times”