اقش قىتايدىڭ بولات ونىمدەر ەكسپورتىنا ەڭ اۋىر جازا قولدانۋى مۇمكىن

اقش ساۋدا دەپارتامەنتىنىڭ سول ەلدىڭ جەرگىلىكتى ۋاقىتىمەن سارسەنبى كۇنى مالىمدەمە تاراتىپ،  قىتايدان يمپورتتالاتىن بولات ونىمدەر ءۇشىن دەمپينگكە قارسى (استىرتىن ساتۋ) جانە سۋبسيديالاۋعا قارسى تەرگەۋدىڭ العاشقى قورىتىندىسىن جاريا ەتتى. قورىتىندى مالىمەتتە ايتىلۋىنشا، قىتايدىڭ بولات ونىمدەرىن ەكسپورتتاۋشىلارعا ارنالعان سۋبسيدياسى 5,04 پايىزدان 150,49 پايىزعا دەيىن ەكەنى انىقتالعان.

ساراپشىلاردىڭ پىكىرىنشە، بۇل قىتاي تارابىنىڭ قۇراما شتاتقا ماقساتتى تۇردە بولات ماتەريالدار ەكسپورتتاپ وتىرعانىن كورسەتەدى. 2017 جىلى قىتايدىڭ اقش-قا ەكسپورتتاعان بولات ونىمدەرى 200 ملن اقش دوللارىن قۇراعان ەدى.

اقش ساۋدا دەپارتامەنتى العاشقى شەشىمىن شىعارعاننان كەيىن، كەدەندىك جانە شەكارالىق قورعاۋ ورگاندارىنا ارنايى تاپسىرما بەردى. ولار قىتايلىق بولات ەكسپورتتاۋشىلاردىڭ سۋبسيدياسىنا تەڭ دەپوزيت الاتىن بولادى. ال، قىتايدىڭ بولات ەكسپورتىنا بايلانىستى ارەكەتتىڭ ناقتى شەشىمىن الداعى جىلدىڭ 1 ساۋىرىندە جاريا ەتپەك. ەگەر ساۋدا دەپارتامەنتى سوڭعى شەشىمىندە سانكتسيانى نەمەسە وزگە جازالاۋ ادىستەرىن پايدالانۋدى ۇيعارسا، بۇل قىتاي ەكسپورتى ءۇشىن اسا اۋىر سوققى بولادى.

“The Qazaq Times”