دۋشانبە تۇرمەلەرىنىڭ بىرىندە بىر توپ تۇتقىن تاجىك-اۋعان شەكاراسى ارقىلى ەسىرتكى ءترانزيتىن باقىلاپ وتىرعان. بۇنى تاجىكستان ارنايى قىزمەتى انىقتاپ، قازىرگى كەزدە ولارعا قاتىستى قىلمىستىق ءىس قوزعالعان.
تاراعان مالىمەتكە قاراعاندا جازاسىن وتەپ جاتقان ەكى تاجىك ازاماتى مەن ءبىر اۋعاندىق ازامات شەكارادا تاجىك كۇزەتشىلەرىمەن اتىسىپ، اۋعانستان كونترابانداسىمەن بايلانىسقا شىققان.
ورتالىق ازيا جاڭالىقتار قىزمەتىنىڭ مالىمەتىنشە، 2017 جىلعى 2 جەلتوقساندا شامسيددين شوحين اۋدانىنداعى تاۋلى ەلدىمەكەندە قارۋلى قاقتىعىس بولعان. وندا 12 قارۋلى ادام شەكارادان زاڭسىز وتپەك بولىپ سالدارىنان ءتورت تاجىك ساربازى جارالانىپ، پولكوۆنيك حايريددين احتاموۆ قازا تاپتى.
تەرگەۋ ىسىنە جاقىن دەرەككوزدىڭ حابارلاۋىنشا، تۇرمەدە وتىرعان ءبىر توپ تۇتقىن ۇيالى تەلەفون ارقىلى ەسىرتكى ساۋداسىن باقىلاپ وتىرعان. اۋعان كونترابانداسى تاجىكستاندىق ەسىرتكى ساۋداسىمەن اينالىساتىندارعا 33 كەلى ەسىرتكى بەرمەك بولعان.تۇتقىننىڭ ۇشەۋى دە بۇرىن ەسىرتكى ساۋداسى ءۇشىن جازالارىن وتەپ جاتقان. ەندى ولارعا قاتىستى جاڭادان ءىس قوزعالدى.
تاجىكستان ءىىم ءباسپاسوز حاتشىسى ۋماردجوني ەموماليدىڭ سوزىنشە، "جۇكتى" الۋ كەرەك بولعان تاجىك ازاماتى ىزدەستىرىلىپ جاتىر. ونىڭ ۇستىنە ەسىرتكى ساۋداسىمەن اينالىساتىنداردى تابۋ وڭايعا سوقپايتىن كورىنەدى . سەبەبى ولار وزگە ادامنىڭ اتىنا تىركەلگەن سيم-كارتا پايدالانادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى