سايلاۋدان كەيىن كاتالونيانىڭ ساياسي جاعدايى ءتىپتى دە قيىنداي تۇسپەك

قازان ايىندا دەربەستىك جولىندا رەفەرەندۋم وتكىزگەن كاتالونيادا ەندى پارلامەنت سايلاۋى بويىنشا پارتيالار باق سىناي باستادى. سايلاۋدىڭ وتۋىندەگى باستى سەبەپ، وسىعان دەيىن كاتالونيانىڭ پارلامەنتىندە دەربەستىكتى جاقتاۋشى پارتيالاردىڭ باسىمدىعى سەبەبىنەن 27 قازاندا وتكەن رەفەرەندۋمنان كەيىن كاتالونيا بىرجاقتى تاۋەلسىزدىك جاريالاعان بولاتىن. رەفەرەندۋمعا قاتىسقانداردىڭ 90 پايىزى كاتالونيا دەربەستىگىن جاقتاعان. الايدا، بۇل داۋىس بەرۋدى زاڭسىز دەپ تاپقان يسپانيا ورتالىق ۇكىمەتى داۋىس بەرۋگە كەدەرگى جاسادى، كەيىن كاتالونيا ۇكىمەتىن وتستاۆكاعا جىبەرگەن.

كاتالونيا پارلامەنتىندەگى كوپشىلىك ورىنداردى سەپاراتيستىك مايدانداعى پارتيالار يەلەيدى. سايلاۋعا كاتالونيانىڭ تاۋەلسىزدىگىن تالاپ ەتكەن پارتيالار دا، يسپانيادان بولىنۋگە قارسى پارتيالار دا قاتىسۋدا. 99 پايىز داۋىستىڭ قورتىندىسىنان كەيىن بەلگىلى بولعانى: كاتالونيانىڭ دەربەستىگىن جاقتاۋشى ءۇش پارتيا پارلامەنتتەگى 135 ورىننىڭ 70-ءىن يەلەگەن. ولار – «كاتالونيا ءۇشىن بىرگە» (JxCat), «كاتالونيانىڭ رەسپۋبليكاشىل سولشىلدارى» (ERC) جانە «ەلدىك كەڭەس» (CUP) پارتيالارى.  بۇل تۋرالى BBC-ءدىڭ رەسمي سايتى حابارلاعان بولاتىن.

مالىمەتتەرگە نەگىزدەلسەك، پارلامەنت سايلاۋىندا «پاتريوتتار» پارتياسى كوش باستاپ كەلەدى. ولار كاتالونيانىڭ يسپانيا قۇرامىندا قالۋىن جاقتاۋشى پارتيا. ولار سايلاۋشىلاردان 25 پايىز داۋىس جيناپ، پارلامەنتتەگى 36 ورىندى يەلەگەن. دەگەنمەن، وتستاۆكاعا كەتكەن كاتالونيا ۇكىمەتىنىڭ باسشىسى كارلەس پۋدجەمونت سايلاۋ ناتيجەسىن جىكشىلدەردىڭ جەڭىسى دەپ باعالاعان. ال، ەۋروكوميسسيانىڭ وكىلدەرى بولسا كاتالونياداعى سايلاۋدىڭ ەو-نىڭ كوزقاراسىنا ىقپال ەتپەيتىنىن ايتۋدا. ولار ءالى دە كاتالونيا ماسەلەسى يسپانيانىڭ ىشكى ءىسى دەپ قاراپ وتىر.

ادەتتە، پارلامەنت سايلاۋىندا ەڭ كوپ داۋىس جيناعان پارتيا ۇكىمەتتى جاساقتايدى. قازىر بارلىق داۋ-داماي يسپانيا بىرلىگىن قولداعان «پاتريوتتار» پارتياسىنىڭ توڭىرەگىندە جۇرگىزىلۋدە. سەبەبى، سەپاراتيستىك مايدانداعى پارتيالار دا ۇكىمەت قۇرۋ قۇقىعىنا تالاسۋى مۇمكىن. سەبەبى ولاردا سايلاۋدا باسىم داۋىستى يەلەپ وتىر. ەستەرىڭىزدە بولسا، قازان ايىندا مادريد كاتالونيانىڭ ۇكىمەتىن وتستاۆكاعا كەتىرگەن ەدى. سەبەبى ولار كاتالونيانىڭ دەربەستىگى ءۇشىن وتكىزگەن رەفەرەندۋمدى يسپانيا ۇكىمەتى زاڭسىز دەپ قارادى.

مالىمەتتەرگە قارعاندا بۇل جولى سايلاۋعا 80 پايىزدان استام حالىق قاتىسقان. قازىر پارلامەنتتەگى ەڭ كوپ ورىندى قايسى پارتيانىڭ يەلەگەنى انىق ەمەس. «پاتريوتتار» پارتياسى مەن «كاتالونيانىڭ رەسپۋبليكاشىل سولشىلدار» پارتياسىنىڭ قايسىسى بولارى انىق ەمەس. سايلاۋدا ابسوليۋتتى جەڭىسكە بىردە ءبىر پارتيا جەتە الماعان.

وسىنىڭ ءوزى الداعى ۋاقىتتا ۇكىمەت قۇرۋ ءىسىنىڭ دە كوپتەگەن كەلىسسوزدەر مەن داۋ-جانجالدارعا ۇلاسۋى مۇمكىن ەكەنىن كورسەتەدى. BBC-ءدىڭ سول ەلدەگى تىلشىلەرى حابارلاعانداي، سايلاۋدا كاتالونيانىڭ تاۋەلسىزدىگىن جاقتاۋشىلار مەن وعان قارسىلار قارايلاس ءتۇستى. سوندىقتان كاتالونيانىڭ الداعى ساياسي جاعدايى ءتىپتى دە كۇردەلى بولا تۇسپەك.

“The Qazaq Times”