كاتالونياداعى حالىق ەرەۋىلىنىڭ ارتى ءىرى قاقتىعىستارعا ۇلاسىپ، بۇل جولى نارازى توپ يسپانيا مەن فرانتسيا اراسىن قوساتىن تاس جولدى باسىپ العان.

Handelsblatt نەمىس باسىلىمىنىڭ حابارلاۋىنشا، شەرۋگە قاتىسۋشىلار جيرونا قالاسىنىڭ ماڭىنداعى جول قوزعالىسىن تەجەپ، بوشكە مەن رەزەڭكە دوڭگەلەكتەردەن بوگەت جاساعان.

14 قازاننان باستاپ كاتالونيانىڭ ءتۇرلى قالالارىندا نارازىلىق شەرۋلەرى ءوتىپ جاتىر. قارسىلىق اكتسيالارى 2017 جىلى تاۋەلسىزدىك تۋرالى رەفەرەندۋمدى جاريالاۋعا اتسالىسقان كاتالونيالىق ساياساتكەرلەردى 13 جىلعا دەيىن تۇرمەگە قاماۋ جونىندە سوت ۇكىمىنە قارسى باستالعان. بۇگىنگە دەيىن وتكەن ارازىلىق اكتسيالارى قاقتىعىستارعا ۇلاسىا، جۇزدەگەن ادام زارداپ شەككەن.

بيىل ساۋىردە يسپانيادا وتكەن ءىرى شەرۋدەن كەيىن يسپانيا بيلىگى سەپاراتيستەردى جاپپاي تەرگەۋگە العان سوڭ، سەپاراتيستەردى جاقتاۋشىلار سوت عيماراتىنىڭ جانىندا دەمونستراتسيا وتكىزدى. وسى جاعدايدان كەيىن يسپانيا پرەمەر-ءمينيسترى پەدرو سانچەس ەلدەگى كورتەستەر تاراتىلىپ، مەرزىمىنەن بۇرىن سايلاۋ وتەتىنى تۋرالى رەسمي مالىمدەمە جاساعان بولاتىن. ەلدىڭ پرەمەر-ءمينيسترى سانچەس ءوز ۋادەسىن ورىنداماعاندىقتان، كاتالوندىق پارتيالار ۇكىمەتتىك وداقتان شىعىپ كەتكەن بولاتىن. ناتيجەسىندە، كەزەكتى مارتە جاڭا سايلاۋ وتكىزىلدى. بيلىكتەگى ءوزارا كەلىسپەۋشىلىك سالدارىنان يسپانيا پارلامەنتىنىڭ نەگىزگى پارتياسى قيىن جاعدايعا قالدى.

"The Qazaq Times"