يسپانيا پرەمەر-ءمينيسترى پەدرو سانچەس پەن كاتالونيا مينيسترلەر كابينەتىنىڭ باسشىسى كيم توررا يبەر پاتشالىعىنىڭ ۇكىمەتى قۇرىلعاننان كەيىن رەسمي كەزدەسۋ وتكىزبەك. بۇل تۋرالى ەلدىڭ مينيسترلەر كابينەتى حابارلادى.
تاراپتار ەلدەگى ساياسي-ەكونوميكالىق ماسەلەلەر جونىندە كەلىسسوزدەر جۇرگىزبەك. سەبەبى كاتالونيا تاۋەلسىزدىگى جونىندە ماسەلە ەل ەكونوميكاسىن تىعىرىققا تىرەدى. 7 قاڭتاردا يسپانيا دەپۋتاتتارىنىڭ كونگرەسى (پارلامەنتتىڭ تومەنگى پالاتاسى) پرەمەر-مينيستر قىزمەتىنە سانچەستىڭ كانديداتۋراسىن ماقۇلدادى. كەلەسى اپتادا ول جاڭا ۇكىمەت قۇرامىن بەكىتۋى ءتيىس.
رەسمي مالىمەتتەر بويىنشا، 2018 جىلى كاتولونيا داعدارىسى يسپانيا ەكونوميكاسىنا 1 ملرد ەۋرو شىعىن كەلتىرگەن. نەگىزىنەن كاتالونيانىڭ يسپانيادان ءبولىنىپ شىعۋعا قاتىستى ارەكەتى 2017 جىلى قازاندا باستالعان. مەملەكەتتىڭ تاۋەلسىزدىك ءۇشىن كۇرەسى 2018 جىلى جاڭا سيپات الدى. سەبەبى تاۋەلسىزدىك ءۇشىن بولعان وڭىرلىك سايلاۋدا سەپاراتيستەردىڭ داۋىسى باسىم ءتۇستى. ال وسىدان كەيىن يسپانيا ۇكىمەتىنىڭ باسشىسى ماريانو راحوي كاتالونيا ۇكىمەتىنىڭ باسشىسى كارلەس پۋدجەمونت پەن ءبىراز ساياساتكەرلەردى قىزمەتتەرىنەن شەتتەتكەن ەدى.
ايتا كەتەيىك، كاتالونيا – ءوزىنىڭ سالت-ءداستۇرى مەن ءتىلى، 7,5 ملن حالقى بار اۆتونوميا. فرانتسيامەن شەكتەسەدى جانە يسپانيا ءوندىرىسىنىڭ بەستەن ءبىر بولىگىن قۇرايدى. ال ەگەر كاتالونيا دەربەس مەملەكەت بولاتىن بولسا، وندا ونىڭ ءجىو پورتۋگاليا مەن فينليانديا ەلدەرىنىڭ كورسەتكىشىمەن تەڭ بولۋى مۇمكىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟