قانات يسلام «قۇرمەت» وردەنىمەن ماراپاتتالدى

بۇگىن قر پرەزيدەنتى نۇرسۇلتان نازارباەۆ  مەملەكەتتىك ماراپاتتار مەن سىيلىقتار تابىس ەتتى. كاسىپقوي بوكسشى قانات يسلام "قۇرمەت" وردانىمەن ماراپاتتالدى.

قانات يسلام - قازاق كاسىپقوي بوكسشىسى، WBA FedeCaribe  چەمپيونى، ياعني ورتاشا جەڭىل سالماق بويىنشا كاريب ايماعىنىڭ ۇزدىگى.

"قۇرمەت" وردەنىمەن سونداي-اق، قر ءبىلىم جانە عىلىم ءمينيسترى ەرلان ساعاديەۆ تە ماراپاتتالدى. "قۇرمەت" وردەنى 1993 جىلى بەكىتىلگەن. بۇل وردەن ەكونوميكا، الەۋمەتتىك سالالاردا، عىلىم مەن مادەنيەت، ءبىلىم بەرۋ، مەملەكەتتىك ورگاندارداعى ۇلگىلى قىزمەتى مەن قوعامدىق جۇمىستارعا بەلسەنە ارالاسقان ازاماتتارعا بەرىلەدى.

بۇدان بولەك پرەزيدەنت تاعى بىرقاتار مينيستر مەن ۇلتتىق كومپانيا باسشىلارىنا "پاراسات", "قازاقستاننىڭ ەڭبەك ەرى", "وتان", "بارىس" سىندى وردەندەرىن تابىستادى.

“The Qazaq Times”