Кәсіпқой боксшы Қанат Ислам. Фото: Prosports.kz

Бүгін ҚР Президенті Нұрсұлтан Назарбаев  мемлекеттік марапаттар мен сыйлықтар табыс етті. Кәсіпқой боксшы Қанат Ислам "Құрмет" орданімен марапатталды.

Қанат Ислам - қазақ кәсіпқой боксшысы, WBA FedeCaribe  чемпионы, яғни орташа жеңіл салмақ бойынша Кариб аймағының үздігі.

"Құрмет" орденімен сондай-ақ, ҚР Білім және ғылым министрі Ерлан Сағадиев те марапатталды. "Құрмет" ордені 1993 жылы бекітілген. Бұл орден экономика, әлеуметтік салаларда, ғылым мен мәдениет, білім беру, мемлекеттік органдардағы үлгілі қызметі мен қоғамдық жұмыстарға белсене араласқан азаматтарға беріледі.

Бұдан бөлек Президент тағы бірқатар министр мен ұлттық компания басшыларына "Парасат", "Қазақстанның Еңбек ері", "Отан", "Барыс" сынды ордендерін табыстады.

“The Qazaq Times”