كەشە، الماتى قالاسىندا وتكەن بوكس كەشىندە ۇلت ماقتانىشى، كاسىپقوي بوكسشى قانات قازاق يسلام قارسىلاسىن نەبارى 14 سەكۋندتا قۇلاتىپ سالدى. رەكوردتىق جەڭىسىنەن كەيىن ول ورتا سالماقتاعى WBO Inter-Continental چەمپيونى اتاندى.

جەكپە-جەك باستالا سالا قانات ءوزىنىڭ قارسىلاسى حۋليو دە حەسۋستى سوققىنىڭ استىنا الدى. العاشقى اۋىر سوققىدان اق حەسۋس ەسەڭگىرەپ كەتكەن. وسىلايشا قانات قازاق يسلامنىڭ جانكۇيەرلەرىن 2 جىل كۇتتىرگەن جەكپە-جەگى نەبارى 14 سەكۋندتا اياقتالدى.

ول جەكپە-جەكتەن كەيىن ءوز جەڭىسىن حالقىنا ارنايتىنىن ايتتى جانە حالقىنا دەگەن ماحابباتىن اقىن مۇقاعالي ماقاتاەۆتىڭ ءبىر شۋماق ولەڭىمەن جەتكىزدى.

بالۋان شولاق اتىنداعى سپورت كەشەنىندە وتكەن دودادا قازاقستاندىق بوكسشىلار تۇگەلدەي جەڭىسكە جەتكەنىن دە ايتا كەتەيىك.

“The Qazaq Times”