نازارباەۆا شاحتەرلەردىڭ ەرەۋىلىنە قاتىستى پىكىر ءبىلدىردى

سەنات دەپۋتاتى داريعا نازاربەەۆا قاراعاندى وبلىسىنداعى كەنشىلەردىڭ جاعدايىنا قاتىستى پىكىر ءبىلدىردى.

"مەملەكەت باسشىسى ەلدە نە بولىپ جاتقانىن بىلەدى. قاراعاندى وبلىسىنداعى جاعدايدى باقىلاپ وتىرعانىنا سەنىمدىمىن... "ارسەلورميتتال تەمىرتاۋ" اكىمشىلىگى شيەلەنىستى وسىنداي جاعدايعا دەيىن جەتكىزگەنى وكىنىشتى. شاحتەرلەردىڭ جالاقى ماسەلەسى جاڭا دۇنيە ەمەس، ولاردىڭ تالابى ۇنەمى بولدى", - دەپ جاۋاپ بەردى نازارباەۆا سەنات وتىرىسىنان كەيىن جۋرناليستەردىڭ سۇراعىنا.

"شاحتەرلەردىڭ قانداي تالاپ قويعانى بىزگە بەلگىلى، ولار جالاقىلارىنىڭ 100 پايىزعا كوتەرىلگەنىن قالايدى. بىراق ءبىز بىلمەيتىن كومبيناتتا ەكونوميكالىق جاعداي قانداي ەكەنىن ەسەپكە الۋىمىز كەرەك. ارسەلورميتتال تەمىرتاۋ دا جالاقىنى 100 پايىزعا دەيىن كوتەرۋگە ەكونوميكالىق مۇمكىندىگى بار ما، جوق پا، ونداي اقپاراتتى اشىپ كورسەتىپ وتىرعان جوق. قانداي جاعداي بولماسىن تاراپتاردىڭ ىمىراعا كەلۋىن تىلەيمىن", -دەدى ول.

نازارباەۆانىڭ سوزىنشە، بۇل ماسەلە نازاردان تىس قالمايدى. بىراق كومپانيانىڭ سوتقا شاعىم تۇسىرۋىنە قۇقىعى بار، ودان ەشكىم باس تارتا المايدى.

ايتا كەتەيىك، قاراعاندى وبلىسىنداعى "ارسەلورميتتال تەمىرتاۋ" شاحتالارىنداعى 600-دەن اسا كەنشى جالاقىلارىن كوتەرۋدى تالاپ ەتىپ، ءۇش كۇننەن بەرى جەر بەتىنە شىعۋدان باس تارتىپ وتىر. ال اتم كومپانياسى وكىلدەرى "شاحتەرلەر جەر بەتىنە شىققان جاعدايدا عانا كەلىسسوز جۇرگىزەمىز" دەگەنمەن، قازىرگى ۋاقىتتا ولارعا قاتىستى سوتقا شاعىم تۇسىرگەن.

“The Qazaq Times”