قازاقستاننىڭ مۇنايى ارزاندادى

2017 جىلدىڭ قاراشا ايىندا قازاقستاندىق مۇنايدىڭ تونناسى 45,5 مىڭ تەڭگەنى قۇرادى.

وتكەن ايداعى باعامەن سالىستىرعاندا قارا التىننىڭ قۇنى 0,3%-عا ارزانداعان. قازان ايىنداعى ەسەپ بويىنشا، مۇناي جىل باسىنان بەرى 17,1%-عا قىمباتتاعان بولاتىن.

ستاتيستيكالىق مالىمەتتەرگە سەنسەك، قاراشا ايىندا ەڭ قىمباتقا ساتىلعانى -قىزىلورلالىق مۇناي. بۇل وڭىردەگى مۇنايدىڭ تونناسى وتكەن ايدا 67,5  مىڭ تەڭگەدەن ساتىلعان. جىل باسىنان بەرگى ءوسىم 27,6%-دى قۇراسا، ءبىر ايدا 5,7%-قا قىمباتتاعان.

ال اقتوبە مۇنايى قاراشا ايىندا 1,9%-عا (تونناسى 51,8 مىڭ تەڭگە), اتىراۋدىكى 0,3%-عا (تونناسى 42,6 مىڭ تەڭگەگە دەيىن), ال ماڭعىستاۋلىق مۇناي باعاسى 3,1%-عا (42,1 مىڭ تەڭگە) تومەندەگەن.

بەنزين باعاسىنا كەلەر بولساق، وتكەن ايدا جانارمايدىڭ تونناسى جىل باسىنان بەرى 9,7%-عا قىمباتتاپ، 136,2 مىڭ تەڭگەگە جەتتى.

 “The Qazaq Times”