قازاقستاننىڭ ەكونوميكا مينيسترلىگى ەكونوميكالىق احۋال ناشارلاعان جاعدايدا ىسكە اسىراتىن «ب» جوسپارى (ۇلتتىق بانك جانە قارجى نارىعىن دامىتۋ اگەنتىگىمەن بىرلەسە دايىنداعان) بارىن حابارلادى.
مينيستر اسەت ەرعاليەۆتىڭ مالىمدەۋىنشە، داعدارىس كۇش الا قالعان جاعدايدا، وتاندىق كاسىپكەرلەردى قولداۋ ماقساتىندا ماكروەكونوميالىق تۇراقتىلىقتى ءبىر قالىپتا ۇستاپ تۇرۋعا باعىتالعان كونترتسيكلدىك سيپاتتاعى شۇعىل شارالار پاكەتى قولعا الىنادى. بىراق پارلامەنت قابىرعاسىندا ءماجىلىس توراعاسى، «Nur Otan» فراكتسياسىنىڭ جەتەكشىسى نۇرلان نىعماتۋليننىڭ توراعالىعىمەن وتكەن جيىندا كوڭىل كونشىكتىرۋگە ارنالعان («ءا» ەمەس) «ب» جوسپارىنىڭ ناقتى قانداي قادامداردان تۇراتىنى تۋرالى جان-جاقتى تانىستىرىلمادى.
ۇكىمەتتە تولىق جانە پارلامەنت قۇرامىنىڭ باسىم ورنىن يەلەنگەن نۇروتاندىقتار سايلاۋ الدىنداعى باعدارلاماعا سايكەس، كاسىپكەرلەرگە جاعداي جاساپ، 2025 جىلعا قاراي جىو-دەگى شاعىن جانە ورتا بيزنەس (شوب – QT) ۇلەسىن 35%-عا دەيىن جەتكىزۋى ءتيىس.
بىلتىر قازاقستانداعى شوب ۇلەسى 28,5% كورسەتكەن، الدىڭعى جىلى بۇل 31,7% بولعان. مۇنداي ەكونوميكالىق رەتسەسسيانى ۇكىمەت كوروناۆيرۋس پاندەمياسىنىڭ سالدارى دەپ سانايدى.
تاۋەلسىز ساراپشىلار مەن ەكونوميست ماماندار قازاقستاندا كاسىپكەرلىك جۇيە ءالى جولعا قويىلماعانىن، بيزنەسكە اكىمشىلىك قىسىمنىڭ بارىن، جەمقورلىق جايىلعانىن ايتادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟