«قازاتومونەركاسىپ» ۇاك» اق ۋران ءوندىرىسىن 20%-عا قىسقارتادى. كومپانيانىڭ حابارلاۋىنشا، ءوندىرىس دەڭگەيىن نارىقتاعى سۇرانىسقا سايكەس كەلتىرۋ ماقساتىندا، جەر قويناۋىن پايدالانۋ كەلىسىمشارتتارى بويىنشا جوسپارلانعان ءوندىرىس اۋقىمى ازايتىلماق.
"جوسپارلى قىسقارتۋلار 2018 جىلدىڭ قاڭتار ايىنان باستاپ ىسكە ەنگىزىلىپ، ءۇش جىلعا سوزىلادى. ناتيجەسىندە، جالپى العاندا، ءۇش جىلدىق مەرزىمدە قازاقستاندىق ۋران ءوندىرىسى شامامەن 11 مىڭ تونناعا قىسقارماق. 2018 جىلى شامامەن 4 مىڭ تونناعا كەم ۋران وندىرىلەدى دەپ كۇتىلۋدە، بۇل كورسەتكىش «UxC» (4 - ءشى توقسان UMO ەسەبى) 2018 جىلعا بولجاعان الەمدىك ۋران ءوندىرىسى اۋقىمىنىڭ 7,5 % قۇرايدى", - دەلىنگەن ءباسپاسوز حابارلاماسىندا.
قازاتومونەركاسىپ بۇل شەشىمى جونىندە بارلىق نەگىزگى ساتىپ الۋشىلارىنا حابارلاپ، اتالعان ءىس-شارالار ءونىم جەتكىزۋ كەلىسىمدەرىنە كەرى اسەرىن تيگىزبەيتىنىن راستادى.
ايتا كەتەيىك، قازاقستان ۋران ءوندىرىسى بويىنشا الەمدە ءبىرىنشى ورىندا. الايدا مەملەكەت بۇدان بۇرىن دا (2017 جىلدىڭ قاڭتارى) الەمدىك نارىقتاعى ۋران باعاسىن كوتەرۋ ءۇشىن ءوندىرىستى تاعى 10%-قا قىسقارتۋ تۋرالى شەشىم شىعارعان ەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى