يران ۋران بايىتۋ قۋاتىن توقتاۋسىز ارتتىرىپ جاتقانىن جەتكىزدى. ەلدىڭ اتوم ەنەرگياسى اگەنتتىگىنىڭ وكىلى يران ۋران بايىتۋ قۋاتى 3,67 پايىزدان 4,5 پايىزعا جەتكەنىن مالىمدەدى. بۇل يراننىڭ يادرولىق قارۋعا پايدالاناتىن بايىتىلعان ۋران مولشەرىنە ءتىپتى دە جاقىنداي تۇسكەنىن بىلدىرەدى.

يران اتوم ەنەرگياسى اگەنتتىگىنىڭ ءباسپاسوز حاتشىسى بەھرۋز كامالۆاني كەشەگى مالىمدەمەسىندە، يران بايىتىلعان ۋران كولەمىن 20 پايىزعا دەيىن جەتكىزەتىنىن، بۇل 2015 جىلى قول قويعان كەلىسىمنىڭ شەكتەۋىنەن اسىراتىن ءۇشىنشى قادام بولىپ سانالاتىنىن ايتقان.

IRNA اقپاراتتىق اگەنتتىگىنىڭ حابارلاۋىنشا، يران ءوزىنىڭ بايىتىلعان ۋران ۇلگىلەرىن حالىقارالىق اتوم ەنەرگياسى ۇيىمىنا تاپسىرادى. ۋران ۇلگىلەرى يراننىڭ ۋران بايىتۋ قۋاتىنىڭ ارتىپ كەلە جاتقانىن كورسەتىپ بەرمەك. تەھراننىڭ مالىمدەۋىنشە، كەلىسىمگە قاتىسقان ەلدەر اقش سانكتسياسىنا قارسى ارەكەتكە بارماسا يران ءۇشىنشى قادامىن جاساپ، بايىتىلعان ۋران مولشەرىن 20 پايىزعا دەيىن جەتەدى.

ارينە، يادرولىق قارۋ جاساۋ ءۇشىن 20 پايىزدىق بايىتىلعان ۋران جارامسىز بولعانىمەن، بۇل ارەكەتتەر يراننىڭ ۋران بايىتۋ قۋاتىن كورسەتىپ وتىر. بۇل اقش پەن يران اراسىنداعى قايشىلىقتى ءتىپتى دە ارتتىرا تۇسەتىنى بەلگىلى.

ەلدىڭ ءسىم باسشىسى جاۆاد زاريف ءوزىنىڭ الەۋمەتتىك جەلى پاراقشاسىندا، بۇدان بۇرىن دا ەۋروپالىق ەلدەر مەن يران اراسىنداعى "پاريج كەلىسىمى" اقش تارابىنان جويىلعانىن، سونىڭ ناتيجەسىندە يران ۋران بايىتۋ مولشەرىن 100 پايىزعا دەيىن جەتكىزە العانىن ايتتى. سونداي-اق، بۇل وتكەننەن اقش باستاعان "B" توبىنىڭ ساباق الماعانىن، بىراق الەم ەلدەرى ساباق الۋى كەرەك ەكەنىن ايتقان.

“The Qazaq Times”