يران 2015 جىلى جاسالعان يادرولىق كەلىسىمدى ءتورتىنشى مارتە بۇزۋدا. ەكى كۇن بۇرىن يران پرەزيدەنتى كەلىسىم مىندەتتەرىن قىسقارتۋ تۋرالى شەشىمىن جاريا ەتكەن. كەشە ەلدەگى فوردۋ يادرولىق نىسانى ۋران بايىتۋ مولشەرىن جوعارلاتتى.

يراننىڭ اتوم قۋاتى ۇيىمىنىڭ ايتۋىنشا، بۇل قادام يران پرەزيدەنتى جانە ۇلتتىق قاۋىپسىزدىك جونىندەگى جوعارى كەڭەستىك شەشىمىمەن جاسالىپ وتىر. 2000 كگ كولەمىندەگى UF6 ۋرانى ناتانز يادرولىق نىسانىنان فوردۋ يادرولىق نىسانىنا كوشىرىلىپ، جوعارى دەڭگەيدە بايىتىلادى. بۇل 2015 جىلى يران مەن 6 ەل اراسىندا قول قويىلعان يادرولىق كەلىسىم شارتتارىن بۇزۋ سانالادى.

الايدا، يران بۇل قادامى تۋرالى ەسكەرتىپ كەلگەن. ەڭ اۋەلدە پرەزيدەنت ترامپ يران يادرولىق كەلىسىمىن سىنعا الىپ، «جارامسىز كەلىسىم» رەتىندە باعالاعان. كەيىن قۇراما شتات اتالعان كەلىسىمنەن بىرجاقتى باس تارتتى. يران اقش تارابىنان كەلىسىمنىڭ بۇزىلعانىن العا تارتىپ، ەۋروپا ەلدەرىن كەلىسىمدى جالعاستىرۋعا شاقىرعان. ەگەر ەۋروپا ەلدەرى كەلىسىمدى قورعاۋ ءۇشىن قادامدار جاساماسا، يران دا كەلىسىمدەگى مىندەتتەرىن قىسقارتاتىنىن بىلدىرگەن.

“The Qazaq Times”