فوتو: الماتى اكىمدىگى

الماتىدا جەلتوقسان ايىندا قالانىڭ بىرنەشە كوشەلەرىن جاقسارتۋ ماقساتىندا مەملەكەتتىك ساتىپ الۋ كونكۋرسى وتەدى. ونىڭ ىشىندە نازارباەۆ داڭعىلى دا بار، دەپ حابارلايدى  abctv.kz.

قالا قۇرىلىسىن جوسپارلاۋمەن اينالىساتىن "الماتىگيپروگور-1 جوبا ينستيتۋتى" جشس وكىلىنىڭ حابارلاۋىنشا، كونكۋرس قۇجاتىنا سايكەس، داڭعىلدا جاياۋ جۇرگىنشىلەر اۋماعى كەڭەيتىلىپ، كوگالداندىرۋ جانە عيماراتتاردىڭ ءبىرىنشى قاباتتارىن قالىپقا كەلتىرۋ جۇمىستارى جۇرگىزىلەدى.

ال "قازاقستان ريەلتورلارىنىڭ بىرىككەن قاۋىمداستىعى" زاڭدى تۇلعالار بىرلەستىگى ديرەكتورلار كەڭەسىنىڭ مۇشەسى مارينا گرۋشينانىڭ ايتۋىنشا، نازارباەۆ داڭعىلى ۇكىمەتتىك بولىپ ەسەپتەلەدى، سوندىقتان ول جەردە كولىك قويۋعا تىيىم سالىنعان. سونداي-اق، ونىڭ ايتۋىنشا، جول بويىندا جاڭا ءۇش تۇرعىن ءۇي كەشەنى سالىنادى. تۇرعىن ۇيلەر قالانىڭ تومەن جاعىندا ورنالاسادى.

ايتا كەتەيىك، 30 قاراشا كۇنى الماتى قالاسى دەپۋتاتتار ءماسليحاتىنىڭ شەشىمىمەن فۋرمانوۆ كوشەسى نۇرسۇلتان نازارباەۆ داڭعىلى بولىپ وزگەرگەن بولاتىن.

“The Qazaq Times”