ۇلتتىق بانك «بىرىڭعاي جيناقتاۋشى زەينەتاقى قورى» اق-تىڭ اكتيۆتەرى ءۇشىن «اقش دوللارىمەن نومينيرلەنگەن ينۆەستيتسيالىق دەڭگەيى جوعارى كاپيتالداندىرىلعان جاھاندىق كورپوراتيۆتىك وبليگاتسيالار» مانداتى بويىنشا سىرتقى باسقارۋشىلاردى تاڭداۋ جونىندە تەندەر جاريالادى. بۇل تۋرالى بانكتىڭ رەسمي سايتىندا حابارلاندى.
"اقش دوللارىمەن نومينيرلەنگەن ينۆەستيتسيالىق دەڭگەيى جوعارى كاپيتالداندىرىلعان جاھاندىق كورپوراتيۆتىك وبليگاتسيالار" مانداتىنىڭ ەتولوندى پورتفەلى The ICE Bank of America Merrill Lynch Q980 Custom Index (بلۋمبەرگ تيكەر: Q980) بولا الادى. مانداتتىڭ بولجالدى كولەمى 250−300 ملن اقش دوللارىن قۇرايدى»، — دەلىنگەن سىرتقى باسقارۋ مانداتىنا قاتىستى سيپاتتامادا.
تەندەر بويىنشا ءوتىنىش بەرۋ مەرزىمى 2017 جىلدىڭ 29 جەلتوقسانىندا اياقتالادى.
زەينەتاقى اكتيۆتەرىن سىرتتاي باسقارۋشى بولعىسى كەلەتىندەردىڭ وبليگاتسيالاردى باسقارۋ بويىنشا كەمىندە 10 جىل، "اقش دوللارىمەن نومينيرلەنگەن ينۆەستيتسيالىق دەڭگەيى جوعارى كاپيتالداندىرىلعان جاھاندىق كورپوراتيۆتىك وبليگاتسيالار" مانداتى بويىنشا 5 جىلدىق جۇمىس تاجىريبەسى بولۋ كەرەك نەمەسە جاھاندىق مانداتتى قامتۋى 75%-دان كەم بولماۋى ءتيىس.
سونداي-اق، سىرتقى باسقارۋشىنىڭ باسقارۋىندا كليەنتتەردىڭ جالپى اكتيۆتەرى مەن كونسۋلتاتسيالىق قىزمەتتەر بويىنشا 25 ملرد اقش دوللارى (نەمەسە باسقا ۆاليۋتادا) بولۋى قاجەت.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى