زيمبابۆەنىڭ ەكس-پرەزيدەنتى روبەرت مۋگابەنىڭ ءومىرىنىڭ سوڭىنا دەيىن ەل بيۋدجەتىنەن قانشا قارجى الىپ تۇراتىنى بەلگىلى بولدى.

The Guardian باسىلىمىنىڭ مالىمەتىنشە، مۋگابەگە بيلىكتەن ءوز ەركىمەن كەتكەنى ءۇشىن ەل بيۋدجەتىنەن 10 ميلليون دوللار بەرىلەدى جانە ءومىرىنىڭ سوڭىنا دەيىن اي سايىن 150 مىڭ دوللار جالاقى تولەنەدى. بۇدان بولەك روبەرت مۋگابەنىڭ ايەلى گرەيسكە دە ەل بيۋدجەتىنەن قارجى ءبولۋ قاراستىرىلعان. بىراق ونىڭ سومماسى قانداي بولاتىنى ازىرگە بەلگىسىز.

ەستەرىڭىزگە سالايىق، بۇعان دەيىن روبەرت مۋگابە مەن ونىڭ وتباسى مۇشەلەرىنە ەرەكشە مارتەبە بەرىلگەن بولاتىن. زاڭ بويىنشا، مۋگابە بيلىكتەن كەتكەنەن كەيىن ونىڭ ۇستىنەن قىلمىستىق ءىس قوزعاۋعا تىيىم سالىنعان.  وسىعان ۇقساس ەرەكشە مارتەبەگە ورتالىق ازيا ەلدەرىنىڭ ىشىندە قىرعىزستاننىڭ بۇرىنعى پرەزيدەنتى المازبەك اتامباەۆ پەن قازاقستان باسشىسى نۇرسۇلتان نازارباەۆ يە.

“The Qazaq Times”