پەتەربوردا كاسپي ماڭى ەلدەرى تەڭىز اسكەري كۇشتەرىنىڭ باس قولباسشىلارى باس قوستى. جيىن سوڭىندا كاسپي ماڭى ەلدەرىنىڭ اسكەري ىنتىماقتاستىق تۋرالى مەموراندۋمىنا قول قويدى.

مالىمەتتەرگە قاراعاندا بەس ەل اراسىندا قول قويىلعان مەموراندۋم اسكەري ارەكەتتەر، توتەنشە جاعدايلاردا كومەك بەرۋ، ينفورماتسيالاردى الماسۋ جانە اسكەري ءبىلىم بەرۋ سىندى ىنتىماقتاستىق باعىتتارىن قامتيدى.

بۇعان قوسا قول قويىلعان مەموراندۋم بويىنشا، كاسپي ماڭى ەلدەرى سۋ ءۇستى جانە سۋ استى كەمەلەرىن جاساۋ، جوندەۋ جۇمىستارىندا ءبىر-ءبىرىنىڭ مۇمكىندىكتەرىن پايدالانا الماق. اسكەري-قورعانىس جانە اسكەري كەمەلەردى جاساۋ، جوندەۋ جۇمىستارىنا مامانداردى جەتىلدىرۋ، اسكەري ءبىلىم بەرۋدە دە بەس ەل اراسىندا الماسۋلارعا مۇمكىندىك بەرەدى.

قازاقستان، رەسەي، ازەربايجان، تۇركىمەنستان جانە يران قاتارلى بەس ەل كاسپي ماسەلەسىنە وزگە ەلدەردى ارالاستىرماۋ تۋرالى قاۋلىنى بەكىتكەننەن كەيىن عانا اتالمىش مەموراندۋمعا قول قويعانىن ايتا كەتكەن ءجون.

“The Qazaq Times”