كاسپي تەڭىزىنىڭ ءازىربايجان بولىگىندە جارىلىس بولدى.

وسىعان بايلانىستى ءاىرربايجاننىڭ ەكولوگيا جانە تابيعي رەسۋرستار ميريسترلىگى مەن سەيسمولوگيالىق قىزمەتتىڭ رەسپۋبليكالىق ورتالىعى تەكسەرۋ جۇرگىزدى. سونىمەن قاتار تەڭىزدە ءورت جاعدايىنىڭ ورىن الۋى سەبەبىن انىقتاۋ ءۇشىن وقيعا ورنىنا ءازىربايجاننىڭ مەملەكەتتىك مۇناي كومپانياسىنىڭ قىزمەتكەرلەرى اتتاندى.

ەلدىڭ توتەنشە جاعداي مينيسترلىگى جاريالاعان مالىمدەمەدە: «بۇگىن تاڭەرتەڭ ەلدىڭ تجم اۋە جاساعىنىڭ تىكۇشاقتارى بارلاۋ ۇشۋلارىن وتكىزدى. ناتيجەسىندە ساليان اۋدانى باعىتىنا قاراي جاعالاۋدان شامامەن 30 شاقىرىم جەردەگى تاستى ارالدا لايلى جانارتاۋدىڭ اتقىلاۋ فاكتىسى انىقتالدى. قازىرگى كەزدە جانارتاۋ كراتەرىندە ازداعان ورتەگۋ بايقالىپ وتىر. جانارتاۋ تەڭىزدەگى مۇناي-گاز ينفراقۇرىلىمى مەن باسقا نىساندار، سونداي-اق ادام ومىرىنە قاۋىپ ءتوندىرىپ تۇرعان جوق»، – دەلىنگەن.

سوڭعى مالىمەت بويىنشا، تەڭىز پلاتفورمالارى مەن ونەركاسىپ نىساندارىندا اپات بولماعانى انىقتالدى. قازىر تەكسەرۋ جۇمىستارى شتاتتىق رەجيمدە ءوتىپ جاتىر.

"The Qazaq Times"