قازاقستان مەن وزبەكستان اراسىندا اۋە رەيستەرى كوبەيەدى

قر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتى مەن وزبەكستاننىڭ اۆياتسيالىق اكىمشىلىگى جانە ەكى ەلدىڭ اۋە كومپانيالارى اراسىنداعى كەلىسسوزدەردەن كەيىن ەكى اۋە رەيستەرىن ارتتىرۋ تۋرالى كەلىسىم جاسالدى. بۇل تۋرالى ازاماتتىق اۆياتسيا كوميتەتىنىڭ فەيسبۋك پاراقشاسىندا حابارلاندى.

سونىمەن «ەير استانا» اۋە كومپانياسى 2017 جىلدىڭ جەلتوقسان ايىنان باستاپ وزبەكستانعا كەلەسى باعىتتار بويىنشا رەيس سانىن ارتتىرادى:

• 2 جەلتوقساننان باستاپ الماتى-تاشكەنت باعىتى بويىنشا رەيس اپتا سايىن 6-7 رەت. ياعني ۇشۋ كۇندەلىكتى جۇزەگە اسادى.
• استانا-تاشكەنت باعىتى بويىنشا 3 جەلتوقساننان باستاپ اپتاسىنا 3-4 رەت;

ال "وزبەك اۋە باعىتى" اۋە كومپانياسى قازاقستانعا كەلەسى باعىتتار بويىنشا رەيستەر سانىن كوبەيتەدى:

• 4 جەلتوقساننان باستاپ الماتى-تاشكەنت باعىتى بويىنشا رەيس سانى اپتاسىنا 6-7رەت;
• 2018 جىلدىڭ 4 ناۋرىزىنان باستاپ تاشكەنت-استانا باعىتىندا رەيس 3-4 رەت بولادى;

ناتيجەسىندە ەكى ەل اراسىنداعى رەيستەر سانى 1 اپتادا 22 رەت جۇزەگە اسادى. جولاۋشىلاردىڭ الماتىدان تاشكەنتكە كۇنىنە ەكى رەت استانادان ەكى كۇندە ءبىر ۇشۋىنا مۇمكىندىگى بار.

الداعى ۋاقىتتا سامارقاند، بۇقارا، ۇرگەنىشكە رەيستەر اشۋ جوسپارلانعان.

“The Qazaq Times”