فوتو: AFP

تۋنيس ۇكىمەتى بىرىككەن اراب امىرلىكتەرىنە قاراستى Emirates airline اۋە كومپانياسىنىڭ ۇشاقتارىنا ءوز استاناسىنا قونۋعا تىيىم سالدى. مەملەكەتتىك شەكتەۋ شاراسىنا ءباا-نىڭ تۋنيستىك ايەلدەردى بىرنەشە كۇن قاتارىنان رەيستەرگە جىبەرمەي نە قاتاڭ تەكسەرىستەن وتكىزۋى سەبەپ بولعان. بۇل تۋرالى ۆۆس اقپاراتتىق اگەنتتىگى جازدى.

رەسمي مالىمدەمەلەر بويىنشا،  بىرىككەن اراب امىرلىكتەرى ءوز تەرريتورياسى ارقىلى تۋنيستىك ايەلدەردىڭ  ۇشۋىنا تىيىم سالعان. جەرگىلىكتى باسىلىمدار Emirates airline اۋە جەلىسىنىڭ دۋباي باعىتىنداعى رەيستەرىنە تۋنيس ايەلدەرى بىرنەشە كۇن بويى جىبەرىلمەگەنىن جازدى. AFP اقپاراتتىق اگەنتتىگىنە بەرگەن سۇحباتىندا تۋنيس ايەلدەرى وزدەرىنىڭ ءباا باعىتىنداعى رەيستەرىنە شەكتەۋ قويىلعانىن ايتقان. جۇما كۇنى تۋنيس ۇكىمەتى ماسەلەنىڭ سەبەبىن ءبىلۋ ءۇشىن ءباا ەلشىسىنە جولداعان حاتىنا بۇل ۋاقىتشا شارالار بولعانى جانە ەندىگى قولدانىلۋى توقتاتىلعانى تۋرالى جاۋاپ العان.

ءتۋنيستىڭ كولىك مينيسترلىگى اۋە جەلىسىنىڭ قىزمەتىنە قويىلعان توسقاۋىل ءباا رەيستەردى حالىقارالىق تالاپتار مەن زاڭدارعا سايكەس جۇزەگە اسىرمايىنشا جالعاساتىنىن حابارلادى. ءباا-نىڭ سىرتقى ىستەر ءمينيسترى انۆار گارگاش ءوزىنىڭ تۆيتتەر پاراقشاسىندا Emirates airline قىزمەتىندەگى كەدەرگىلەرگە بايلانىستى: ء"بىز جاعدايدى انىقتاۋ ءۇشىن تۋنيستىك باۋىرلارىمىزبەن سويلەستىك. بىرقاتار قاۋىپسىزدىك شارالارى ءۇشىن رەيستەر كەيىنگە قالدىرىلدى. ءبىز ءتۋنيستىڭ ايەلدەرىن ەرەكشە قۇرمەتتەيمىز", - دەپ جازدى.

“The Qazaq Times”