بارسەلوناداعى ەرەۋىل. فوتو: WSJ.

جەكسەنبى كۇنى كاتالونيادا ءجۇز مىڭداعان ادامنىڭ قاتىسۋىمەن بولعان حالىق شەرۋى باسقا وڭىرلەردەگى يسپانيالىقتاردىڭ بىرلىگىن كورسەتىپ، وتكەن جۇمادا كاتالونيا جەرگىلىكتى بيلىگىنىڭ بىرجاقتى جاريالاعان تاۋەلسىزدىگىنە قارسىلىعىن ءبىلدىردى. بۇل تۋرالى تانىمال «WSJ» باسىلىمى حابارلايدى.

ءجۇز مىڭنان اسقان ەرەۋىلشىلەردىڭ شاراسى كاتالونيانىڭ ورتالىق قالاسى بارسەلونادا ءوتتى. وسى ايدىڭ باسىندا كاتالونيا بيلىگى يسپانيادان تاۋەلسىز ەل بولۋعا ارەكەت جاساعان ەدى. تاۋەلسىزدىك جونىندە رەفەرەندۋم دا وتكىزگەن.

شەرۋدى ۇيىمداستىرۋشىلاردىڭ مالىمەتىنە قاراعاندا شاراعا 130 مىڭ ادام قاتىسقان. ونىڭ ىشىندە بارسەلونا قالاسىنىڭ پوليتسيا قىزمەتكەرلەرىنەن 30 مىڭعا جۋىق ادام بار.

ەستەرىڭىزگە سالا كەتەيىك، قازان ايىنىڭ باسىندا وتكەن كاتالونيا تاۋەلسىزدىگى جونىندەگى رەفەرەندۋم كەزىندە، كاتالونيالىقتاردىڭ 43 پايىزى قاتىسىپ، ونىڭ 90 پايىزى تاۋەلسىزدىكتى قولداپ داۋىس بەرگەن بولاتىن.

“The Qazaq Times”