فوتو: kapital.kz

2017 جىلدىڭ باسىندا تمد ەلدەرىنىڭ بارلىعىندا دەرلىك  ماۋسىمعا بايلانىستى تۇتىنشىلارعا ارنالعان نەگىزگى تاۋارلار مەن قىزمەتتەرگە باعا تومەندەگەن. تەك قازاقستاندا ينفلياتسيا شىلدە ايىندا 0,1% بولسا، ازەربايجاندا 0,2%-دى قۇراعان. بۇل تۋرالى Finprom اگەنتتىگى حابارلادى.

سونداي-اق، قازاقستاندا سوڭعى جىلدا باعا تەك جوعارىلاپ جاتىر. ەلىمىزدە باعا سوڭعى رەت 2015 جىلدىڭ ماۋسىمىندا (-0,1%) عانا تومەندەگەن.

ال وسى جىلدىڭ تامىز ايىندا وتكەن ايعا قاراعاندا قىزمەتتەر پەن تاۋارلار باعاسىنىڭ ارزانداۋى بەلارۋستا تىركەلگەن نەمەسە باعا 0,8%-عا تومەندەگەن.

جالپى تمد ەلدەرىنىڭ كوپشىلىگى يمپورتقا تاۋەلدى. ۇيىمعا مۇشە ەلدەردىڭ ىشىندەگى ينفلياتسيا پروتسەستەرى ۆاليۋتانىڭ ايىرباس باعامىنا بايلانىستى بولادى. الايدا تمد ەلدەرى اراسىندا قازاقستان مەن تاجىكستاننان باسقا مەملەكەتتەردە اقش دوللارى السىرەپ، ۇلتتىق ۆاليۋتالارىنىڭ قۇنى نىعايعان.

مىسالى اقش دوللارىنا قاتىستى ۇلتتىق ۆاليۋتاسى ەڭ كوپ نىعايعان ەل مولداۆا. بۇل ەلدە دوللار 10,6%-عا السىرەگەن. ودان كەيىن ۇلتتىق ۆاليۋتالارى ايتارلىقتاي نىعايعان ەلدەر - ۋكراينا، ازەربايجان،  رەسەي،  بەلارۋس. ال قازاقستان تەڭگەسىنە قاتىستى اقش دوللارى 0,4%-عا نىعايسا، تاجىك اقشاسى بويىنشا 11,8% نىعايعان.

“The Qazaq Times”